Chapter Forty-two: Threat

Dinala siya ni Manson sa isang mamahaling restawran na malapit lang din sa museum kaya naglakad lamang sila. Buong sandali ay tahimik silang dalawa pero hindi siya binitawan ni Manson at magkahawak-kamay silang naglalakad.

Matapos ibigay ni Manson ang order nila sa waiter ay tinanong ito ni Claire. Hindi siya mapakali hangga’t hindi siya nakakuha ng kasagutan. Kahit pa dinadagundong ng kaba ang dibdib niya ay nilakasan niya ang loob na magtanong.

“Manson…” mahina ang boses na tawag ni Claire sa pangalan ng asawa. Umangat ng mukha si Manson mula sa binabasa nitong ipad at nagkasalubong ang kanilang tingin.

“Bakit, Claire? May gusto ka pa bang order-in?”

Mabilis na umiling si Claire. “No. Gusto lang sana kitang tanungin.” Tumikhim siya upang tanggalin ang bara sa lalamunan na siyang nagbibigay ng kaba sa kanya. “D-did you sign the divorce agreement?”

Nagsalubong ang kilay ni Manson sa tanong niya. Inilapag nito ang hawak na ipad sa mesa saka tumayo at lumipat ng upuan sa tabi niya