Chapter 19: First Call

I thought that maybe if I continue, I would eventually find out how to escape from the rope that was tying me to this situation.

“Good morning, mga baby ko.”

Gaya ng palaging ginagawa ng dalawa sa tuwing katabi ako ay sumiksik sila sa gilid ko. Kanina pa ako gising habang ang dalawa sa magkabilang side ko ay kagigising pa lamang.

“Mommy!”

“Yes, Ruin?”

Bumungisngis lang siya na nagpatawa sa akin. Simula nang dumating ako rito kahapon ay hindi ako nilubayan ng dalawa. Hindi na sila umalis sa tabi ko at umiiyak na kapag kinukuha ni Nanay o ng nag-aalaga sa kanila.

“Kiss Mommy. Cheeks. Come on.”

Agad na umangat ang dalawa upang maabot ako. Lumawak ang ngiti ko nang sabay na dumampi ang mga labi nila sa magkabilang pingi ko.

“May sasabihin si Mommy.” I played with their hair using my fingers. Humiga muli ang dalawa sa tabi ko at nanahimik, tila hinihintay ang sasabihin ko. “Nahanap ko na si Daddy.”

“D-Dad..”

“D-Dada!”

Tumango ako sa dalawa. “Right, my boys. Do you want to see h