Kabanata 030

ISTORYA NI SENYORA CAROLINA SA PAGTATAGPO NG LANDAS NILA NI CHLOE

Parang isang malaking biyaya si Chloe sa kaniyang pagdating sa buhay ko. Lingid sa kaalaman nito ay hindi ako ang nagligtas sa kaniyang buhay kundi siya ang nagligtas sa aking buhay. Dahil ng mga sandaling iyon ay nakapuwesto na din ako sa pagtalon sa tulay na iyon. Ngunit naantala lahat ng masama kong pinaplano ng araw na iyon dahil sa narinig ko ang hinagpis nito. Napalingon ako mula sa pagkakapit ko sa railings ng tulay. Na kung nalate ng ilang segundo ang kaniyang pagdating paniguradong ngayon ay isa na akong malamig na bangkay na nagkalasog lasog ang katawan. Nang makita ko ang kaniyang mukha at kaniyang kondisyon ay naalinagan kong buntis siya dahil sa may kalakihan na ang kaniyang tiyan. Umakyat ako sa railings at tinulungan ito ng makita kong hinimatay siya marahil ay sa sobrang depresyon niya. Wala kasi siyang tigil kakaiyak habang sumisigaw sa hinanakit niya sa mga taong nanakit sa kaniya na tinatawag niya sa