Chapter 38.1

Kyrous' POV

"Yes, dad," sagot ko na lamang mula sa telepono para matapos na ang usapan. Ibinalik ko iyon sa lalagyan at napahilot ng sentido.

Tangina, ang dami ko na ngang ginagawa rito pero kulang pa rin para kay dad. May tamang rason naman ako para mag-leave at gusto kong ulit-ulitin 'yon para matutukan si Scarlet at ang anak namin. Ayaw kong mangyari ulit ang pagdurugo niya. Hindi ko kakayanin kung may nangyaring masama sa kanila.

Mag-a-alas nuebe na nang matapos ako sa trabaho. Nag-unat ako at binalewala ang pagkulo ng tiyan. Hindi kasi ako kumakain ng dinner para mas madaling matapos ang mga ginagawa. Niligpit ko ang gamit ko at hinubad ng itim na coat. Niluwagan ko rin ang necktie ko para mas makahinga ng maayos.

Nang makarating ako sa unit ay wala akong nadatnan na pagkain sa dining table. Tinignan ko ang refrigerator pero walang ulam doon. Sunod ay binuksan ko ang rice cooker, walang laman.

"Scarlet?" tawag ko sa kasama nang makapasok sa kwarto. Wala ito sa kama pero may na