Chapter 37.4

"How are my babies?"

Nang marinig ang boses ni Kyrous ay bumilis ang tibok ng puso ko sa kaba. "Sorry, iPad," bulong ko bago buong lakas na inihagis iyon sa pader saktong pagpasok niya.

"What the?! Scarlet, why?"

"Nakakainis kasi!" pag-aarte ko at tinignan ang itsura niya.

Lito, lumakad siya at kinuha ang iPad na nasa sahig. Kita kong may basag iyon sa screen nang lumapit siya sa akin. "It's not working. But, good thing, it has a back-up," aniya at tinignan ako sabay hawak sa kamay. "Ano bang nangyari?"

"Nag-hang!" dahilan ko at pinagkrus ang braso sa ibaba ng dibdib.

"Is that so? Kakabili ko lang nito."

Alam ko. Gusto ko lang subukan ang plano namin ni LJ para i-test ang pagtitimpi niya. Kung hanggang saan aabot iyon. O kung sasaktan niya ako kapag nagalit na siya.

"Baka fake 'yan!"

"Hmm, maybe," aniya at inilagay iyon sa mababang cabinet na nasa tabi ng tama. Sunod ay lumapit siya sa akin at humalik sa noo ko. "Next time, please be careful, okay? Baka masugat ka kapag may na