Kabanata 9

[Nicholas Hart]

"DON'T leave behind me, Harrison, huh?"

Ilang beses ko na 'yon naririnig kay Alexis bulol magtagalog. Heto talagang Amerikano na 'to dikit ng dikit at tanong ng tanong sa Harrison ko. Pero okay lang, kampante naman ako dahil mas mahal ako ni Harrison. Mas pogi din naman kasi ako sa kaniya.

Ilang oras din ang byahe namin bago makapunta dito.

Sa ngayon kasi ay paakyat na kami sa bundok. Papunta kami sa water falls, at alas tres palang ng hapon, malilim naman dahil natatakpan ng ulap ang araw.

May tour guide kami ngayon at siguradong hinding-hindi kami maliligaw. Pero hetong Alexis bulol na 'to, takot na takot maligaw dahil first time niya lang daw sa mga ganitong lugar.

"Yes, Alex my baby, I will not leave you," imbis na si Harrison ko ang sumagot ay nagpapasalamat ako kay Bridgete  na punong-puno na naman ang clip sa buhok niyang pang lalaki, dahil hindi niya hinayaang makasagot si Harrison. Nakahawak ngayon si Bridgette kay Alexis bulol, sa kaliwang kamay nito.

"Omg, I'm excited na!" ang taas ng energy ni Darla na nakahawak naman sa kaliwang kamay ni Alexis.

"We might fall, ladies," sabi ni Alexis bulol sa binabae at babae sa dalawang kamay niya

"Don't worry. I'll catch you, baby." Sabi ni Darla habang inaayos pa ang buhok.

Inagawa naman 'agad ni Bridgette ang attention nito. "Don't be afraid to fall, baby, I will let you fall on my body just to save you."

Umirap naman si Darla.

Nailing na natatawa naman si Harrison ko sa dalawa. Unang naglalakad ang tour guide, ipinapaliwanag ang iba't ibang parte, habang pangalawa ang tatlo, si Darla na nasa kaliwang kanan, si Bridgette bading na nasa kanan na kamay ni Alexis bulol na napapagitnaan naman.

Kami ang nasa huli ni Harrison, dala-dala namin lahat ang kakailanganin namin. Dahil hindi pa alam at ayaw ipaalam ng Harrison ko sa mga kasama namin tungkol sa may relasyon kami nitong nasa harap ko. Kaya pasimple lang akong humahawak sa kaniya habang siya'y nasa harap ko na nilalagay niya ang isang kamay sa likod para lang mahawakan ko iyon habang naglalakad kami.

At sawakas, sa mahigit na dalawang oras na paglalakad at paghihinto namin, nakarating na rin kami sa Water falls dito. Nakita ko 'agad ang mga malilinis na bato sa malinaw na tubig. Ang tubig na umaagos mula sa taas nito.

"Wow..." napanganga si Alexis bulol magtagalog.

"Why is there water flowing from above? Isn't that mountain very high?" inosentang sabi pa nito.

Hindi ko nalang siya sinagot at hinayaang umupo sa tubig para lang hawakan ang tubig. Kalag nagexplain pa kasi ako—madali lang naman para sa'kin ang science, pero baka naman mahirapan siya sa pagintindi kapag pinaliwanag ko. Inosente kasi siya.

"That's because of the gravity," tanging nasagot ni Darla.

"Anong gravity naman? 'Pinagsasabi mo?! Idiot." si Bridgette.

"Oh, magaaway na naman..." sabi ni Harrison sa dalawa para tumigil.

Nailing nalang ako.

"Mag-iingat ka sa malalim, ha?" bilin ko kay Harrison dahil gusto niya daw maligo, hinahaya nga nila ako pero sabi ko' y mamaya nalang.

Tumango naman si Harrison bilang sagot. Hinaya na siya ni Darla at Bridgette na maligo kaya sinundan lang ang mga ito. Habang si Alexis bulol magtagalog, naka-upo lang sa bato dito at kuha parin ng kuha ng litrato na halata sa kaniya na unang beses niya palang dito. Pumunta naman ang tour guide namin sa ibang lugar dahil may kailangan daw itong asikasuhin, saglit lang daw.

"Alex, this is really your first time here?" tanong ko dito na abala sa pagkuha ng litrato.

Tumango naman ito. "Yeah, Mr. Hart."

Napatingin ako sa kawalan at huminga ng malalim para kumalma. Alam kong tinuruan ito ni Harrison ko na ito ang tawagin sa'kin, ang surname ko. Pero kumalma ako, wala ako sa mood makipagaway sa kaniya.

Nakatitig lang ako kay Harrison na masayang naliligo kasama ang dalawang dalaga kong kaibigan. Makita ko lang na masaya abg Harrison, mahal ko. Napakasaya ko na rin.

Nang magutom si Alexis bulol magtagalog, hinayaan ko siyang kainin ang niluto kong adobo na kinuha ko sa bag ko. Ang tour guide ang nagdala ng kanina namin dahil kasama sa fee. Sigurado akong masasarapan 'to. Sabi ko sa isip nang isusubo na ni Alexis bulol ang kanin na may adobo mula sa pinggan.

Pero ang akala ko na pipikit sa sarap, puta, umubo siya at halos niluwa ang niluto ko.

"Maybe you ate something bad before?" tanong ko dito habang hinihimas ang likod hanggang maging okay na ito.

"The tastes bad..." komento ni Alexis bulol.

"Huh?" Napailing ako. Hindi pwede. Masarap ang luto ko. "Just maybe you ate something bad before?" dahilan ko dahil baka nga. Masarap ang luto ko, baka may nakain lang siyang masama kanina kaya siya nasuka.

"Maybe," tanging sagot niya at uminom ng tubig.

Buti nalang sinabi niya na baka may nakain lang siya na masama kanina. Dahil kung hindi, paano matitikman nila Harrison ang niluluto ko? Ang sarap kaya!

*****

[Harrison Steele]

PANAY langoy ako sa tubig na parang wala nang bukas. Ang saya ko lang dahil panatag ako sa ganitong lugar. Walang polusyon, puro sariwang hangin lang. Antahimik pa at maririnig mo lang ang puno at dahon na sumasabay sa awit ng hangin. Ang mga ibon na kumakanta. Malayo sa taong mga matutulis ang mata.

"Harry..." tawag sa akin ni Alexis at lumingon ako sa kaniya na naka-upo sa bato.

"Why?"

Nilagay niya ang camera sa mata niya. "Smile."

Sa sinabing 'yon ni Alexis ay ngumiti ako, sabay picture niya. Nakisama pa nga sa picture si Bridgette at Darla na masayang naliligo din.

"Kapag si Alexis, pinipicturan ka—todo ngiti ka... Tapos kapag ako tinutukan kita ng camera—hinahampas mo 'agad sa'kin," bulong ni Nicholas na naka-pout pa. "I'm hurts." Nilagay pa niya ang kamay sa dibdib na akmang nasasaktan.

"Ang seloso mo, hano?" bulong ko sa kaniya pabalik na nasa taas ng bato habang ako'y nakababad sa malinaw na tubig.

"It really hurts seeing my love one obeys the other more."

Napa-kunot ako ng nag-english siya.

"Aba, at bakit napapa-english ka... Mali pa yata grammar."

"You know..." sabi niya sabay turo sa utak. "Gano'n pala talaga kapag kausap mo palagi 'yong englishero."

Mahinang natawa nalang ako hanggang sa hayain ako ni Darla.

"Harrison, tara na doon." Haya ni Darla sa akin habang tinuturo 'yong binabagsakanng falls.

Ngumiti lang ako sa kaniya at hinaya si Nicholas. "Tara?"

Sumama naman ito sa akin. "Andito ako, para maging lifeguard mo."

Kunyare ko siyang kinurot sa pisngi para hindi ako kiligin.

Hinaya ko naman si Alexis na abala sa pagpipicture at hindi parin basa ang damit. Pumunta lang talaga siya dito para magpicture? "Come on, Alexis, we are going there." Sabay turo sa kung saan kami pupunta

Napatigil siya sa pagpicture nang marinig ako, tinignan ang tinuro ko. Parang nag-isip-isip pa siya na biglang umaliwalas ang mukha at napangiti sa kung ano'ng na-isip.

"Come on, baby, let's go there..." sabay sabi ni Bridgette at Darla.

"Okay, let's go, it's gonna be fun," excited na sabi niya at inilapag ang camera sa bato na inuupuan niya kanina.

Bumaba siya sa bato at sumama sa amin. Umakay pa siya sa akin para daw hindi siya matangay ng alon. Nang makarating sa binabagsakan ng tubig, napa-nginig ako dahil sa lamig, inisip kong yakapin si Nicholas para mawala ang lamig na nararamdaman ko, pero na-isip ko na baka makita ng mga kaibigan namin.

"OMG, Harrison, I'm scared pala..." sabi ni Alexis biglang hawak sa'kin sa balikat, habang si Bridgette at Darla ay masayang masaya na naliligo. "The water is falling and maybe later a rock will fall, too."

"Don't be scared," sabi ko para kumalma siya.

"It's cold here," napayakap siya sa akin.

Tumingin 'agad ako kay Nicholas para tignan kung galit—pero galit nga, nakatingin sa kawalan at nakalukot ang mukha. Nailing nalang ako at hinaya si Alexis para umahon muna siya. "Is it okay if you go back?" tanong ko at tumango ito.

Hinatid ko si Alexis sa kinauupuan niya kanina at nag-tuloy-tuloy ito sa pagkukuha ng litrato sa mga mgagandang lugar sa paligid. Nang makabalik ako sa water falls, naka-upo lang sa bato si Nicholas at nakatulala lang, halatang malungkot.

"Hart?" 'agaw pansin ko sa kaniya at tumingin naman siya. "Okay ka lang?"

Tumango naman ito. "Sino ba kasi mas cute... Siya o ako?" tanong nito na tinutukoy ay si Alexis.

Huminga ako ng malalim. "Hart, kailangan ko ba'ng ipaliwanag sa'yo palagi kung bakit ganoon ako kay Alexis?" mahinahon kong sabi.

"Sorry..." napababa nalang siya.

"Okay lang," sabi ko sabay haya sa kaniya doon upang maligo sa falls.

Kahit parang nanlalata, sumama siya at bumalik ang ngiti sa labi.

"OMG, ang sarap sa likod ng falls... Nakakamasahi, nakakakiliti," malapad na ngiting sabi ni Bridgette habang nakatayo sa bato habang bumabagsak ang falls.

"Ako sakit na sakit pota," sabi naman ni Darla.

Pumunta kami ni Nicholas sa medyo saktong tubig na pwedeng languyan dahil gusto daw niya't sumama ako, hindi natakot dahil kasama naman siya. Hinawakan niya ako para habang lumalangoy din siyang patalikod, ako naman ay nakahawak sa kaniyang nakasunod.

"My boo, ang sarap sa ganitong lugar," sabi ni Nicholas na nakahawak sa bewang ko para lumutang ako, naka-tingkayad ako sa bato.

"Mas masarap ka..."

Sumingkit naman ang mata niya. "Alam ko naman 'yon..." sabi niya at nangiti ako. "Itanan kaya kita sa lugar na 'to?"

"Kung pwede lang eh."

"Bakit na naman?" may pagsasawa sa tono nito.

"Si Daddy."

Sa sinabi ko, naisip ko bigla si Daddy. Pero mandito ako ngayon upang magsaya, kaya kahit hindi sanay lumangoy, bumaba ako sa tubig para tumingin sa ilalim. At ang ganda nga. Hanggang sa bumaba na rin si Nicholas sa ilalim ng tubig at pinuntahan ako habang ako'y naka-upo.

Nakalobo ang pisngi niya na sa tingin ko ay may laman na hangin, nilapit ang mukha sa akin at idinikit ang malambot niyang labi sa labi ko, doon ibinuga sa loob ng bunganga ko ang hangin para ako'y kumuha ng hangin sa kaniya. Hanggang sa maghalikan kami sa ilalim ng tubig. Para kaming hindi nauubusan ng hangin sa ilang segundo na magkadikit ang mga labi namin. Mas gusto ko ito. Gusto ko itong ginagawa namin. Gusto ko itong walang nakakita sa pagmamahalan namin dahil dito, walang mapanghusgang titig ng tao, walang maririnig na masasakit na salita sa ganitong relasyon. Dahil sa mundong ito ay puno ng mga taong husgado...

Delikado.