KABANATA 5: PHILIP KAHILI CALLARI’S POV

He grab his tie and unlock the first two button of his suit. Umaakyat na naman ang dugo ni Philip sa ulo dahil sa pagmamatigas ng mag-asawang Arandia. Kahit nasa kaniya na ang titulo ng kumpanya ng mga ito ay nanggugulo pa rin ang mga gago.

Tutunggain na sana niya ang alak ng mag-ring ang telepono na konektado sa kaniyang sekretarya kaya naman sinagot niya ito.

“Sir, nandito po sila Mr. Arandia sa kabilang linya. May sasabihin daw sila sa ‘yo.”

Ang dugo niya na umaakyat pa lang sa kaniyang ulo ay tuluyan na ngang nakaakyat at parang sasabog pa siya sa galit.

“What the fuck do they need? Connect them to me!” Sigaw niya at rinig sa kabilang linya na nagmamadali ang sekretarya.

“What do you need?” Mariing tanong niya at napahilot sa sintidong pumipintig sa galit.

“Huwag kang magalit, Callari. Tiyak ko namang magugustuhan mo ang sasabihin ko,” nakakairitang sabi nito na dinugtungan pa ng malademonyong tawa.

Isa ang pamilya Arandia sa dapat mawala sa mundo, hindi lamang sa parte ito sa mga ilegal na transaksiyon ay maaring maging mitya rin ito ng pagkakadiskubre ng kanilang organisasyon dahil sa pagiging magulo ng mga ito.

“It's better be useful, motherfucker,” he grit his teeth in annoyance.

“Kapalit ng kompanya namin ay ibibigay namin ang aming anak na si Seraphim,” ani ni Ben sa kabilang linya na nagpakunot sa noo niya.

“I just fucking told you that I want something fucking useful, idot,” mas lalong nandilim ang paningin niya rito. Kung malapit lang ito ay tiyak na pinaputukan niya na agad ng kaniyang baril na nakahimlay sa kaniyang mesa.

“Aba! Useful naman ang panganay ko! Maganda, sexy, maputi, matalino, mabait. Ano pa ang hahanapin mo?” Tanong nitong parang nagtitinda lang ng baboy sa palengke.

Napamulagat siya ng mabanggit nito na panganay ng mga ito ang ibibigay. “Did you just say your eldest daughter?” Usisa niya pa rito.

“Oo, pumapayag ka na ba?” Hambog nitong balik.

Napangisi muna si Philip bago bitawan ang katagang pagsisisihan ng dalawang Arandia sa susunod na mga panahon. “Yes, it's a deal. Bring me your daughter in an instant. I want to meet her.”

Gusto niya itong sigawan ng ‘mga bobo!’ pero baka mawala ang pagkakataon niyang masira ang pamilya ng mga ito. Hindi alam ni Rosita at Ben Arandia na ang unang apo ng yumaong Arandia ang legal na tagapagmana ng yaman nito sa legal o ilegal man na negosyo.

Sa oras na mapakasalan niya ang babae ay sigurado agad ang pag-akyat niya sa tuktok at mapoprotektahan niya na ang unang babaeng kaniyang minamahal — si Hyacinth Herrera, na ngayo'y nasa bisig na ng kaniyang kaibigan.

Ngunit sa unang pagkikita nila ng babaeng Arandia ay parang may kurot na naramdaman si Philip sa kaniyang dibdib nang makitang parang basahan lang itong hinahablot-hablot ni Rosita. Puno rin ng pasa ang gilid ng mata nito at sugat sa baba ng labi.

Hindi niya akalain na dito pala niya ulit mararamdaman ang awa kaya hindi siya nag-alinlangan na palipatin ito sa penthouse niya.

Maganda nga si Seraphim Anastasia. Namana nito ang aristokratong mukha ng yumaong Arandia na lolo nito. Matangos ang maliit na ilong habang malambot ang asul na may pagkakulay abo nitong mata at ang kulay lila na umiilaw sa gitna ng mata nito sa tuwing natatamaan ng araw.

Mahaba rin ang alon-alon nitong buhok at maputi ang mapapayat na mga braso at higit sa lahat ang walang pintas nitong manipis at mapupulang labi.

Hindi niya akalain na guguluhin nito ang sistema niya. Tinuring ni Philip si Seraphim na isang tunay at babasaging asawa. Hindi niya ipinaramdam dito na sa papel lang sila kasal.

Gulong-gulo siya at hindi naiwasang magpakalasing ng makita niya si Hyacinth na kayakap ni Thaddeus pero wala na siyang maramdamang sakit o selos pa.

Ang tanging nasa isip na lang niya ay ang magagandang ngiti ng asawa. Sa sobrang ganda nito ay doon niya nagawa ang pagkakamaling hindi niya pagsisisihan— ang makasiping ito.

Pero dahil masyadong magulo ang mundo ni Philip at parang pinaparusahan siya ng kalawakan, halos isang buwan siyang hindi umuwi sa bahay nila sa pagmamadaling matapos ang gulo na ginawa na naman ng mga Arandia. Miyembro ang mga ito sa child trafficking at sextortion.

Gusto niya agad matapos ang gusot na iyon para makauwi na siya kay Phim pero isang mas malaking organisasyon naman ang kumakalaban sa kaniya kaya kailangan niyang protektahan ang asawa sa pamamagitan ng pagtulak dito palayo.

Ang plano niyang ibigay kay Seraphim ang kaniyang penthouse ay hindi nangyari. Hindi niya akalain na labis itong masasaktan sa ginawa niya sa puntong aalis ito at iwan siya.

“Sir, nagpunta po ang mga magulang niyo sa penthouse ninyo,” ulat sa kaniya ng guard na nasa building.

Sa takot na baka ano ang gawin ng mga magulang sa asawa ay nagmamadali siyang umuwi ngunit ang tahimik at malinis lang na bahay ang nadatnan niya.

“Phim!” Pagtawag niya sa asawa. Nilibot pa niya ang buong bahay at inisa-isa ang mga kwarto pero walang anino ni Seraphim ang nakita ni Philip.

Agad siyang pumunta sa bahay ng mga magulang para tanungin kung ano ang ginawa at sinabi ng mga ito sa asawa. Naabutan pa niya ang dalawa na magkatabing namamahinga sa reclining chair sa harap ng kanilang hardin.

“Ma, pa,” pagtawag niya sa mga ito.

“Oh my darling! Bakit napabisita ang anak namin hmm?” Malambing na tanong ng ina pero wala siyang pagmamahal na nararamdaman sa ngayon sa mga magulang.

“Nassan ang asawa ko?” Nagpipigil sa galit niyang tanong.

“Baby, we just did what needs to be done and tada! Iniwan ka niya para sa pera. Edi lumabas din ang tunay na kulay ng babaeng ‘yon?”

Hindi niya na mapigilan ang galit at binunot ang baril na nakasuksok sa tagiliran at pinaputok ito ng ilang beses. Napatili ang ina at galit na boses ng kaniyang ama ang kaniyang narinig.

“If something happens to my wife, consider yourself childless. I won't consider you as my parents anymore,” huling sabi niya rito at tumalikod para ang kaniyang private investigator naman ang tawagan.

“Find my wife. I'll pay you triple.”

Hindi siya makakapayag na makaalis ang babae sa piling niya. Matapos nitong guluhin ang sistema niya ay bigla na lang itong maglalaho? P’wes susundan niya ito kahit saang butas pa ito lumusot at sisiguraduhin niyang sa kaniya lang ang babae uuwi at uuwi.