Chapter 51

“Ayon sa report na nakalap ko ay kasalukuyang nag-file ng divorce si Mr. Rhed Harim sa kanyang asawa na si Mrs. Denice Harim. Aking napag-alaman din na hindi lingid sa kaalaman ni Mrs. Denice Harim ang pagkakaroon ng dalawang kabit ni Mr. Rhed. Sa ngayon ay stable ang kanilang kumpanya at wala akong nakikitang problema.” Habang nakikinig ako sa report ng binayaran kong tao na nag-imbestiga tungkol sa mag-asawang Rhed at Denice ay isa-isa kong sinusuri ang ilang mga larawan na nasa kamay ko.

Tatlong babae ang nauugnay sa asawa ni Denice at dalawa na ang anak ni Rhed mula sa dalawang babae. Sa totoo lang ay hindi ko alam kung ano ang nararamdaman ko tungkol sa mga nalaman ko. Narun ang lungkot, sakit at awa para sa taong minsan ng naging bahagi ng buhay ko. Pero higit na mas matimbang sa akin na makamit ko ang hustisya para sa pamilya ko.

“Nariyan na rin ang listahan ng mga taong may kaugnayan sa kumpanya ng pamilyang Harim.” Ani ng lalaki na nanatiling nakatayo sa harap ng office table