Kabanata 2

Sa high school ay isang anak ng tadhana si Davron, ngunit si Selene ay halos walang pakiramdam ng pagkakaroon sa mataas na paaralan. Tila isa lamang siyang dumadaan sa kwento, tahimik na pinanunuod ang nakakabighani na lalaking bida at ang kanyang mahal na babaeng bida, at ang matamis na kwento ng pag-ibig. 

Ilang taon nga ba niyang lihim na gusto si Davron? Hindi na niya masyadong matandaan. 

Nang mag-propose sa kaniya si Davron, minsan na niyang inisip na nagkakaroon siya ng isang magandang panaginip na kaya siyang gisingin anumang oras. 

Sa buong tatlong taon sa high school. 

Tanging anim na salita lamang ang sinabi ni Selene sa kanya. 

"Hello."

"Ako nga pala si Selene."

Hindi matandaan ni Davron na sila ay mag-kaklase noong sila ay high school, ni hindi nito maalala na nagsikap siya ng husto para tumayo sa harap nito at kausapin siya.

Umupo si Selene sa kama. Nakapatay na ang mga ilaw sa kwarto, at ito ay napakadilim. 

Hindi niya maiwasan na hawakan ang kanyang tiyan. Napakahirap isipin na mayroon nang isang bata dito. 

Ang anak nila ni Davron. 

Pero hindi niya matitiyak. 

Nagkakaroon din ng mga kamalian na hindi tumpak ang mga pregnancy test sticks. 

Hindi nagkaroon ng oras si Selene nitong mga araw na magpunta sa ospital sa magpa-check up. Nagplano siya na bumili ng ilang pregnancy test sticks ng iba ibang brand bukas at subukan ang lahat ng iyon. 

Kung hindi siya buntis, talagang ayos lang iyon. 

Isang sakit sa ulo ang pagbubuntis. 

Alam niya na hindi gusto ni Davron ang anumang bagay na wala sa kaniyang kontrol. 

Palaging nagsusuot si Davron ng condom bago makipagtalik sa kanya, maliban sa isang hindi inaasahang aksidente noong nakaraang buwan. 

Ito ay talagang sandali ng kalituhan. 

Hindi nito gusto ng anak. 

Halos siya ay sigurado na kapag sinabi niya kay Davron na buntis siya. Tutulungan siya ni Davron na humanap ng ospital at mag-aayos ang operasyon. 

Walang sinuman ang makapagbabago ng napag-desisyunan na nito. 

Nang una silang magtayo ng buhay mag-asawa. 

Walang muwang na inasahan ni Selene na unti-unting mahuhulog ang loob ni Davron sa kaniya.

Ngunit sa totoo lang, talagang hinahangad lang niya itong mangyari. 

Ayaw na ni Selene na isipin pa ang tungkol dito. Nalulungkot lang siya palagi sa pag-iisip ng masyado. Ipinahinga niya ang kaniyang sarili sa quilt, ipinikit ang kanyang mga mata at pinilit ang sarili na matulog. 

Napanaginipan ni Selene ang taon ng kanyang high school. 

Sa panaginip, araw araw na dumadaan si Davron sa kaniyang bintana. Ito ang prinsipe ng eskwelahan, at lihim itong panunuorin ng mga tao kung saan man siya magpunta. Mayroon itong isang superior na pigura at ang mga kamay nito ay nasa loob ng mga bulsa.

Tamad ito at mayabang. Tulad ng isang buwan, mahitap itong abutin, at lahat ay malamig at malinaw sa paligid nito. 

Sakim na tumingin dito si Selene ng paulit-ulit, at may ilang tubig sa gilid ng kanyang mga mata nang magising siya. 

Maliwanag na ang kalangitan sa labas. 

Naglakad siya patungo sa bintana at binuksan ito. 

Hindi na makita ang kotse ni Davron sa bakuran. Umalis ito kahapon sa kalagitnaan ng gabi. 

Hindi nakaramdam si Selene ng pagkawala. Nagtungo siya sa kumpanya pagkatapos mag-agahan at bumili ng ilang pregnancy test sticks sa nadaanang botika. 

Masyadong abala si Selene sa umaga na wala na siyang naging oras para uminom ng tubig. 

Nang magkaroon siya ng oras, mahigpit niyang hinawakan ang pregnancy test sticks sa kaniyang bag, kinuha niya ito at mabilis na nagtungo sa banyo. 

Ayon sa mga bilin na nahanap niya kahapon, sinubukan ulit ito ni Selene. Matapos ang ilang minuto, kabado siyang tumingin sa pregnancy test stick na nasa kanyang kamay. Kitang-kita pa rin ang dalawang madilim na guhit.

Lumubog ang kanyang puso. Hindi siya nakaramdam ng gaanong kagalakan.

Ilang minuto lang. 

Ang daming iniisip ni Selene. Kailangan ba niyang sabihin kay Davron ang tungkol dito? 

Marahil ay wala maaaring sabihin, hihinto sa kanyang trabaho, tatakbo sa isang bansa kung saan walang sinuman ang nakakakilala sa kanya, at palihim na ipanganak ang bata.

O maaari siyang magpahinga ng ilang araw at pumunta sa ospital upang siya na mismo ang magpa-opera. 

Tila may giyera sa isipan ni Selene. 

Nang bumalik siya sa opisina, lumilipad pa rin ang kanyang isip. 

Misteryosong nagpunta si Myla sa istasyon ng kanyang trabaho at nakipag-tsismisan sa kanya, "May buntis dito sa ika-20 na palapag natin." 

Napabuntong hininga si Selene at nanatiling kalmado. "Sino?"

"Hindi ko alam." sambit ni Myla. 

"Sinabi ng tagalinis na babae na nakakita siya ng isang pregnancy test stick sa basurahan kahapon. Hindi kaya ay may nagkakaroon ng mga office romance dito sa pamamagitan ng pagtatago nito? Sa oras na malaman ni Mr. Zalderriaga, masisisante sila." nagalak si Selene na itinapon niya ang pregnancy test stick sa inidoro para sa pang-seguridad na rason. 

Tila may bukol na nakabara sa lalamunan ni Selene. "Hindi ko alam, malamang hindi." sambit niya. 

Hindi masyadong interesado si Myla sa bagay na ito at mabilis na binago ang usapan. "Tara sa baba para kumain?" 

Nagugutom na rin si Selene, kaya tumango siya. "Tara na." 

Ang restaurant ng empleyado sa ibaba ng kumpanya ay talagang kwalipikadong masarap sa panlasa. 

Kauupo lang nina Selene at Myla pagkatapos ilagay ang kanilang mga order. 

Biglang naging tahimik ang restaurant ng ilang segundo. Biglang lumitaw si Davron sa restaurant ng empleyado, na nakakapagpapangiti. 

Nalilitong tumingin si Selene kay Davron at hinawakan ng mahigpit ang mga chopstick na nasa kanyang kamay. 

Gumawa ng malaking hakbang si Davron at naglakad sa kanilang lamesa nang nakikita ng lahat. 

Nabulabog si Myla, "Mr. Zalderriaga, pakiusap umupo ka." 

Itinikom ni Selene ang kanyang mga labi, hindi malaman kung ano ang sasabihin. 

Handa na ang steak na kaniyang binili. 

Hinawakan ni Selene ang steak sa kaniyang plato at gusto ng umikot para magpalit ng upuan, ngunit hindi siya naglakas-loob na gawin iyon ng halata. 

Bigla ay nakaramdam siya ng bahagyang hindi pagka-komportable. 

Pagkahilo at pagduduwal. 

Bahagya pa ring malakas para sa kanya ang amoy sa restaurant. 

Pinipigilan ni Selene ang pagsusuka, gusto lang niyang matapos ang tanghalian ng mabilis at pagkatapos ay bumalik sa opisina upang makapag-pahinga.

Sa sandaling pumasok ang steak sa kanyang bibig, hindi na napigilan ni Selene ang kanyang pisikal na pagduduwal. Tinakpan niya ang kanyang dibdib at mabilis na nagtungo sa basurahan sa tabi niya para sumuka.

Pagkatapos niyang sumuka, namutla ang kanyang mukha. 

Uminom siya ng isang baso ng tubig para mahugasan ang kanyang bibig, at saka tumingin sa taas at napagtanto na tila may mali. 

Ang madilim at malalim na mga mata ni Davron ay kalmadong nakatitig sa kanya. 

Hindi mawari. 

Tumalon ang puso ni Selene, at mas namutla bigla ang kanyang mukha. 

Takot siya na baka may makita ito. 

Maalalahanin si Davron, "Bakit ka nagsuka?" tanong nito. 

"Hindi masyadong mabuti ang tiyan ko nitong mga nakaraang araw." sambit ni Selene. 

Humuni si Davron, "Bakit hindi ko maalala na nagkaroon ka ng sakit sa tiyan." 

"Nagka-sipon ako ilang araw na ang nakalipas." kalmadong sabi ni Selene. 

Natahimik si Davron ng ilang sandali, "Uminom ka na ba ng gamot noong nakaraan?" kaswal na tanong nito. 

Hindi naintindihan ni Myla. 

Ngunit naintindihan ni Selene. 

Tinatanong siya ni Davron kung uminom na ba siya ng gamot pagkatapos ng insidente sa hot spring hotel. Palagi itong masyadong maunawain na kaya nitong matukoy ang mali sa maliliit na detalye. 

"Oo" pagsisinunangaling ni Selene sa ilalim ng presyon. 

Hindi na nagtanong pa si Davron ng maraming tanong. 

Sa hapon ding iyon, natanggap ni Selene ang gamot para sa tiyan at bituka na binili para sa kanya ng general assistant. 

Sa kabuuan ng kumpanya, tanging ang general assistant lang sa tabi ni Davron ang may alam ng relasyon sa pagitan nilang dalawa. 

"Inutusan ka ni Mr. Zalderriaga na alaagan ang iyong sarili." tumingin sa kanya ang general assistant at nagdalawang isip na magsalita. Pagkatapos tumigil, "Inutusan din ako ni Mr. Zalderriaga na gumawa ng appointment para sa 'yo para sa isang physical na examination sa ospital." sambit nito.