Chapter 28.2

HINDI sana maniniwala si Tiana tungkol sa sinabi sa kaniya ni Hope. Bakit nga ba siya maniniwala dito gayong alam niyang isa lamang itong peke at malaki pa ang galit sa kaniya kaya unang pumasok sa isip niya’y niloloko siya nito. Ang kaso narinig niya ang usapan ni Zayne at Xavier sa hindi sinasadyang pagkakataon.

Madaling araw iyon ng magising si Tiana dahil nauuhaw siya. Pikit pa ang isang mata niya ng lumabas siya ng kaniyang kwarto pero ng marinig ang kaniyang pangalan ay agad na nabuhayan ang antok niyang katawan.

“Hindi pa ‘rin nagpaparamdam si Hope hindi ba? Kailangan natin bantayan si Tiana dahil baka siya ang galawin ng mga ito.”

Seryosong sabi ni Zayne at kusang napasilip si Tiana mula sa kinalalagyan ng mga ito sa salas. Nakita niya ang orasan na naroroon at alas dos palang ng umaga.

‘Hindi ba sila natutulog?’ takang tanong nito sa kaniyang isipan at pinagpatuloy ang pakikinig sa mga ito.

“Maaring gamitin sa kaniya ang katotohanan na hindi siya anak ni Madel.”

“Naisip