Chapter 58

BIANCA POV

"Hi Babe!" abala ako sa kakapirma sa mga papeles na nasa harapan ko nang biglang bumukas ang pintuan ng opisina at iniluwa si Arnold!

Hindi ko tuloy mapigilang ang napatitig sa kanya. Ang aga niya naman yatang bisitahin ako dito sa opisina? Hindi ba siya busy sa hospital?

"Arnold...napadaan ka? By the way...thank you nga pala sa mga flowers!" nakangiti kong sagot sa kanya at mabilis na tumayo mula sa pagkakaupo sa swivel chair. Nilapitan ko siya at iginiya paupo sa sofa.

Nagulat pa ako nang maramdaman ko ang paghawak niya sa kamay ko at tinitigan ako sa mga mata. Kaagad naman akong nakaramdam ng matinding pagkailang. Lalo na ng mapansin ko na may gustong ipahiwatig ang mga titig niya.

Ilang saglit lang, dahan-dahan na bumaba ang mukha niya sa mukha ko! Sa gulat ko kaagad akong napaiwas!

Shocks...balak niya pa yata akong halikan sa pisngi or sa lips pero hindi ko kayang magkunwari sa harapan niya. Hindi pa ako ready na magpahalik sa kanya kahit sa pisngi lang.