6

Nakarating sila sa malawak na golf field na pagmamay-are ng Xian Family. Siya, si Fourth at Don Primero lamang ang nagtungo sa kinaroroonan ni Ling Xian na seryosong naglalaro ng golf. Kumalat naman sa paligid ang mga bodyguard for more safety and security.

" Ling, how are you? "

" I'm feeling well, Primero " tugon naman nito at nagyakapan pa ang dalawa. Nakipag-shake hand rin si Fourth sa matalik na kaibigan ng ama.

" Mabuti naman at pumayag si Fourth na pumunta rito. Excited na akong makita silang magkasama ni Feng. " Natutuwang wika ni Ling Xian sa kumpare. Pilit naman na ngumiti si Fourth.

" Where's Feng? " hanap ni Primero sa inaanak.

" Ayon siya, nag-eensayo, " turo nito sa anak na nag-eensayo gamit ang katana.

Agad na naging interesado si Caramel sa laban ng dalawa. Masyadong malayo ang kinalalagyan ng naglalaban kaya hindi niya maaninag ang itsura ng anak ni Ling Xen. Nakatalikod kasi ito sa dako nila.

" Tara, doon tayo, " aya ni Ling Xian at agad naman silang nagtungo kung saan naroroon ang dalawang naglalaban gamit ang espada.

Napahanga siya sa galaw ng babae. Ang liksi ng kilos nito at halatang eksperto sa paggamit ng katana.

" Ang galing niyang humawak ng katana, Fourth. Mukhang kaya niyang hatiin ang katawan mo kapag nagpasaway ka sa mapapangasawa mo, " palihim na wika niya kay Fourth. Tinarayan lang siya ng bakla.

" Feng " tawag ni Ling Xian sa anak nito pagkarating nila sa kinaroroonan ng dalawa.

Agad na napahinto ang dalawa at humarap kay Ling Xian sabay nagbigay galang. Pagkaangat ng mukha ng babae, doon lamang napagtanto ni Caramel na kilala niya ito. Napansin rin siya nito at bigla siyang nginisihan ni Satoh.

Biglang kumulo ang kanyang dugo noong makita ang pagmumukha nito. Naiirita talaga siya sa tuwing nakikita niya ang pagmumukha ng mayabang niyang dating comrade sa Supreme Intelligence Agency.

Ngayon niya lang nalaman na Feng pala ang tunay na pangalan ni Satoh. Lumapit ang ka-sparring ni Feng para kunin rito ang hawak na espada at nagbigay galang muna ito bago gumilid.

" Hi, Fourth! " bati nito kay Fourth at lumapit sabay halik sa pisngi nito.

Sigurado siyang nandidiri ang baklang katabi niya sa halik nito at ayaw lang ipahalata.

" Caramel, long time no see " baling nito sa kanya. Pekeng ngiti naman ang itinugon niya rito.

" Bakit kasama siya rito? " tukoy ni Satoh sa kanya.

" She is Fourth's new bodyguard, " sagot ni Don Primero.

Napatango naman si Satoh at pinasaringan siya nito mula ulo hanggang paa na tila minamaliit siya. Inismiran niya ito.

" Why you hired her as Fourth's bodyguard, Ninong? Marami ka namang pagpipilian na mas magaling kaysa sa kanya, " pangmamaliit nito. Naningkit naman ang kan'yang mga mata.

" Naniniwala akong magaling si Caramel pagdating sa pagprotekta sa anak ko, " sagot naman ni Don Primero sa inaanak.

" Oh, really? Ikaw palang ang taong narinig ko na naniniwala sa kanya na magaling siya, " may pag-uyam na tugon ni Feng.

Medyo natawa naman si Fourth kaya tinapunan niya ito ng nakakamatay na tingin.

" Feng, I have something to tell you in private. Can we talk privately? " sabad naman ni Fourth.

" Of course, but, maybe later. Hindi kasi ako pinagpawisan sa ensayo ko kanina kaya gusto kong makalaban si Caramel, " may kayabangan na pagpaparinig nito.

" Kung matatalo mo ako, paniguradong kaya mong protektahan ang mapapangasawa ko ngunit kung hindi, dapat kang palitan at mag-focus ka nalang sa computer para gumaling ka naman pagdating sa pagbusisi ng system, " dugtong nito na mas lalong niyang ikinairita.

Gaga! Yabang!

" Why not? " Napatingin sa kanya si Fourth. Hindi niya uurungan ang mayabang na'to.

" Walang mangingialam sa laban namin, " dagdag na paalala ni Feng sa mga alipores nito. Naging interesado rin ang dalawang business tycoon sa laban.

Nasa gitna sila at tatlong metro ang layo sa isa't isa habang nasa gilid naman ang iba handang panoorin ang laban. Nag-sign ito sa lalaking may hawak ng dalawang espada. Magalang nitong ibinigay ang isa kay Satoh Feng at ang isa naman ay sa kan'ya. Hindi siya gaanong sanay na humawak ng espada dahil main niya talaga ang paghawak ng baril.

Hinugot niya ang espada at ibinigay ang takip sa lalaki, ganun rin si Satoh. Pum'westo na siya samantalang tuwid lamang na nakatayo si Satoh habang nakababa ang espada. Umuna siyang sumugod pero ang bilis ng kamay nito at nasangga ang kanyang espada.

Sunod-sunod siyang umatake ngunit walang kahirap-hirap nitong nasasangga ang bawat atake niya. Muli siyang sumugod pero sa isang malakas na sangga nito sa kanyang espada tumalbog iyon sa damuhan sabay itinuro ang matulis na bahagi ng espada.

" Weak, " pangungutya nito. Napalingon naman siya kay Fourth na pumalakpak pa talaga sa ginawa ni Feng.

Sarap gilitan ng leeg ni Fourth.