Chapter 95

“Dad naman, bakit ngayon mo lang po ako ginising?” Pagkatapos kong ngitian ng matamis si Richard na kasalukuyang nakaupo ngayon sa mahabang sofa namin ay agad kong sinita ang tatay ko. Ipiakita kong naiiinis ako, nakahalukipkip ako habang nakatayo sa tabi ng tatay ko. Naiinis pa rin ako dahil kanina pa pala si Richard dito pagkatapos ay ngayon niya lang ako ginising. Ano na ang mangyayari sa plano kong magluto ng pananghalian namin, mauuwi na naman kami sa food delivery? Hangga’t maaari ay gusto kong umiwas sa mga pagkaing ganoon dahil alam kong hindi iyon makakabubuti para kay baby. Healthy food lang ang dapat kong kainin at hindi mga pagkaing maraming preservatives. Nabasa ko kasi na makakatulong iyong masustansyang pagkain sa pagdevelop ng brain ni baby.

“Bakit ba mukhang alalang alala ka?” Imbes na sumagot ay sinita pa ako ng tatay ko.

Ako naman ay mabilis na umupo na sa tabi ng boyfriend ko. “Sorry, nakatulog pala