Chapter 56

“Ito o.” Nagtataka kong kinuha ang palihim niyang iniabot sa akin. Magkatabi kaming kumakain ng dinner. Yes, dinner time na. Awa ng Diyos ay naging maayos naman ang buong araw. Naitawid namin ng maayos ang relasyon namin na walang nakakadiskubre sa mga kasama namin dito sa shoot.

“Ano po ito?” tanong ko habang hawak ang susi na iniabot niya.

“Eh ‘di susi, ano pa ba?” Medyo napalakas ang boses niya sa pagkakasabi noon kaya naman napalingon sa direksyon namin ang mga kasalo namin habang naghahapunan.

“Alam ko pong susi ito, pero ano po ang gagawin ko rito?”

“Susi ng van iha. Remember, bawal kang magpuyat dahil sa kalagayan mo.” Buti na lang at ipinagdiinan niya ang salitang kalagayan kaya na-gets ko na ang ibig niyang sabihin. Nag alala lang ako sa ibang nakarinig.

Kaya magpoprotesta sana ako pero sumabad si direk Juls. “O Stacy, magpahinga ka na nga pagkatapos mag-