Chapter 63

“Mga brod, ako na naman ang mapapasama sa plano n’yong ito eh.” Narinig kong nag aalalang sabi sa kanila ni sir Sam. “Baka mamaya, masapak ako ha.” Dagdag niya pa.

Wala pa rin ang boyfriend ko, magdadalawang oras na siyang wala. Sa production ay ayos lang naman iyon, dahil wala pa rin ang mga artista namin. May mga guesting pa kasi sila sa isang variety show. Pero sa akin at sa mga lalaking ito ay hindi ayos iyon, kakain lang ng lunch inabot na ng dalawang oras? Akala ko ba ay sandali lang? Ano iyon, noong um-order ay saka lang nagkatay ng kung anumang ino-order nila?

Naku ha, umayos kang lalaki ka, baka ikaw ang makatay ko nito mamaya.

“Huwag kang mag alala Sam, kami ang bahala sa iyo. Isipin mo na lang, makakatulong ka ng maigi kay Rekdi sa gagawin mong ito.” Pampalakas loob sa kanya ni kuya Mike, pagkatapos ay ako naman ang binalingan niya. “Ikaw naman Stacy, sumakay ka na lang sa amin ha. Huwag ka