Chapter 65

“Okay ka na ba rito, Stacy?” nag aalalang tanong sa akin ni ate Raq nang alalayan niya akong makahiga sa kamang ginagamit namin sa eksena. “Magpahatid ka na kaya kay Rekdi?” Suhestyon pa niya. “Nag aalala na ako sa iyo at sobrang putla mo ngayon.”

Akma na siyang tatayo nang abutin ko ang braso niya. “Huwag na ate, ayos lang naman po ako.”

“Ayos? Wala akong nakikitang maayos sa hitsura mo ngayon.”

“Normal lang naman ito ate.” Kumbinse ko pa sa kanya.

“Normal?” gulat niyang sabi. “Paanong naging normal sa isang tao ang pagkahilo at pamumutla? Wala ka naman sigurong sakit na malala para magkaganyan ka?” umiling ako sa kanya bilang sagot. “Iyong ate ko natatandaan ko noon, parati ring namumutla at nahihilo, pero buntis kasi siya noon.”

Napahinto siya sa pagsasalita na para bang may na-realize, pagkatapos ay muling tumingin sa akin.