Chapter 30

Saktong pagkabalik ko mula sa sasakyan ay nakita ko si Stacy sa entrance ng bar, alam ko mula sa pagkakatitig niya sa signage ay may naalala siya sa lugar na ito. May mga ala-alang bumalik sa isipan niya, katulad ng mga naalala ko kanina pagkarating ko sa location.

“Memories?” Hindi ko naiwasang itanong mula sa kanyang likuran. “Bakit ayaw mo pang pumasok? May naalala ka ano?” dagdag ko pa. Napilitan na akong unahan siya sa paghakbang dahil hindi niya man lang ako tinapunan kahit na isang saglit na sulyap. Pero imbes na ngiti ay isang irap ang natanggap ko mula sa kanya, saka mabilis akong nilampasan.

Hahabulin ko pa sana siya at sasabayan sa pagpunta sa breakfast table nang makita ko siyang masayang sinalubong ni Sam. Kumunot ang noo ko dahil sa ginawang pag alalay ni Sam sa siko ni Stacy samantalang papunta lang naman sila sa kinaroroonan ni Raq. Maayos naman ang kulay niya ngayon, malayo sa pamumutla niya noong nakaraang araw ka