Chapter 35

Tahimik kong ibinaba ang kamay kong hindi man lang pinagkaabalahang tingnan ng girlfriend ko. Excited pa naman ako dahil makaka holding hands ko na siya habang naglalakad dito sa University. Isa kaya ito sa pangarap ko noong nag aaral ako pero dahil sa sobrang busy ko sa mga raket noon ay hindi man lang ako nagkaroon ng chance na magka girlfriend.

Yes, girlfriend ko na si Stacy. Ang babaeng hindi nagpatahimik sa isipan ko simula noong makita ko ang malungkot niyang mga mata sa bar.

Sino ang mag aakala na mabilis ko lang pala siyang makikitang muli, na hindi ako mahihirapan sa paghahanap sa kanya. Para bang regalo siya sa akin ng Diyos dahil ang una at pangalawa naming pagkikita ay parehong hindi inaasahan, parehong hindi plinano pero nangyari pa rin.

Simula nang iwan niya ako sa bahay namin pagkatapos ng mga nangyari sa pagitan namin ay hindi na ako natahimik, hindi na siya nawala sa isipan ko. Gabi gabi ko siyang iniisip, umaasam na sana ay magkit