70

Kinakabahan si Sandy habang nakatingin kay Liah na umiiyak sa labas ng emergency room. Hindi niya alam kung ano ang gagawin. Nang marinig nila ang usapan nina Diego at Andrei sa kumpanya na pupuntahan nila si Apollo ay hinila ni Liah si Sandy para sundan ang dalawa kaya dumating sa punto na halos ibuwis ni Liah ang buhay para iligtas si Apollo. Nag-aalala si Sandy na mahuli sila.

“Kung gusto mong bumalik sa kumpanya, bumalik ka na—”

“Baliw ka ba? Paano ka?” Galit na tanong ni Sandy. Hindi niya kaya at pwedeng iwanan si Liah. “Ano bang pumapasok sa isip mo at nagawa mo ito?”

“Sandy, kung hindi tayo sumunod sa kanila at hindi natin nailabas si Apollo sa loob ng bahay na iyon, mamamatay siya.” Hinawakan ni Liah ang dalawang kamay ni Sandy, nagmamakaawa na hayaan siyang gawin ang mga bagay para kay Apollo.

Nahihirapan si Sandy sa sitwasyon, dalawang kaibigan niya ang mahalaga para sa kanya pero dahil si Liah ang palagi niyang nakakasama at kakampi sa lahat kahit na pareho silang nakagaw