Chapter 2- Ang misteryosong doktor!

Umalingawngaw ang iyak ni Chicago sa buong villa ni Katherine.

Naiirita na si Alora—ang ina ni Katherine at Maveliene. "Hindi ba titigil kakaiyak ang batang yan? Naririndi na ako sa iyak niya! Mana talaga siya sa namayapa niyang ina. Mga walang silbi!"

"Ma, 'wag mong sabihin 'yan. Anak ni ate Mavi si Chicago at hindi ng asong yun!”

"Whatever! Papunta na si Max dito, hindi ba? At bakit hindi pa rin bihis ang batang yun at nag-iinarte pa rin? Mabuti pang turuan mo ng leksyon ng matuto. Lumalaking sutil e."

"Hindi pwede! Paano kung malaman ng iba? Kahit na ayaw ni Max kay Khelowna, tunay pa rin niyang anak si Chicago."

Bagama't kinasusuklaman ni Katherine si Chicago, alam niyang si Chicago ang tanging tagapagmana ni Max. Kung gusto niyang mapalapit kay Max, dapat siyang magkunwari na mahal niya ang anak nito.”

Nagpatuloy sila sa kanilang ginagawa, at hindi nila napansin na umakyat si Chicago sa bintana, sinusubukang tumakas….

Bang!

Pagkatapos ay sumigaw ang guwardiya sa labas ng pinto, "MA’AM! Nahulog ang young master mula sa bintana!"

Agad na namutla si Katherine nang marinig iyon at sumugod sa labas, nakita niya si Chicago na puno ng dugo na nakahandusay sa ilalim ng bintana ng kwarto nito. 

“CHICAGO!”

Bigla siyang kinabahan ng husto.

At hindi inaasahan na biglang lumitaw ang kotse ni Max sa dulo ng kalsada na papalapit sa bahay nila.

Mas lalo silang natakot. Pinagpapawisan na rin siya ng malamig, sa tindi ng takot na nararamdaman ay bigla siyang sumugod upang pigilan ang convoy ni Max.

"M-Max, n-nahulog si Chicago sa bintana!"

Agad na tumulo ang luha sa mga mata niya. Kinakabahan siya ng sobra sa maaring gawin ni Max sa kaniya.

Lumabas si Max sa sasakyan niya.

"Hindi ko alam kung anong nangyari. Gustong magkulong ni Chicago sa kwarto. Hindi ko naman inaasahan na maglulumikot siya at mahulog sa bintana. Max, I'm sorry. Kasalanan ko lahat. Kasalanan ko na hindi ko nabatanyan ng mabuti si Chicago..."

Biglang umakyat ang dugo ni Max sa ulo. Para siyang nanginig sa kinatatayuan niya.

"Nasaan ang anak ko?"

Galit na galit siya. Halos gusto niyang patayin si Katherine.

Itinuro ni Katherine si Chicago na nasa bushes at puno ng dugo ang ulo. Lahat ng katulong ay nanginginig sa takot, at walang nangahas na magsalita.

Kita ang litid ng ugat ni Max sa leeg niya. Agad niyang kwinelyuhan si Katherine.  "Kung may mangyaring masama sa anak ko, papatayin kita!"

Sa sobrang takot ni Katherine ay umiyak siya sa harapan nito at hindi na nakapagsalita. Agad na kinuha ni Max ang anak niya at agad na isinugod sa ospital.

Pagdating nila sa ospital, si Max ay sinalubong mismo ng direktor. Malubha ang sugat ni Chicago at kinailangan agad ng operasyon. 

Pinuntahan ng direktor ang isang doktor na kaka-hire pa lang mula sa ibang bansa na magsagawa ng operasyon kay Chicago. Ang doktor ay kilalang magaling sa kaniyang trabaho at kahit kailan ay wala pa itong operasyon na namatayan siya ng pasyente.

"Doc, ang pasyente ngayon ay isang limang taong gulang na batang lalaki, nag-iisang anak ng isang maimpluwensyang tao. Kailangang maging mas maingat ka sa operasyong ito. Kung hindi, baka ay magdadala ito ng malaking gulo sa ospital!"

Nakasuot ng uniporme ang doktor at surgical mask. May hawak itong mga dokumento sa kamay. "I always treat all my patients equally. I will do my best in this operation. Pero... sino itong maimpluwensyang tao ang sinasabi mo, director?"

"Ang tagapagmana ng Linae. Si Maximillian Linae."

Bakas ng pagkagulat sa magandang mukha ni Khelowna sa ilalim ng mask.

Hindi niya inaasahan na makikita niya agad ang ex-husband niya sa ospital. Pero, anak ni Max? takang tanong niya sa kaniyang isipan.

"May anak si Max Linae?"

Sabi ng direktor, "Oo, isang batang lalaki, limang taong gulang. Hindi ba kakasabi ko lang sayo tungkol sa impormasyon ng bata?"

“Pero hindi ba, patay na ang dating asawa ni Max, kaya saan nanggaling ang limang taong gulang na bata? Kahit na ipinanganak ito ng dati niyang asawa, dapat anim na taong gulang na siya ngayon."

"Ang batang ito ay hindi anak ng dati niyang asawa, anak ito ni Maveliene."

“Pero comatose siya ayon sa pagkakaalam ko.”

“Nagising si Maveliene isang taon matapos namatay ang dating asawa ni Max Linae. Nagkaanak sila matapos ngunit may nangyari na hindi na nila isinapubliko. Sa pagkakaalam ko e nacoma ulit si Maveliene.”

Nakaramdaman ng matinding kirot sa dibdib si Khelowna, at ang liwanag sa kanyang mga mata ay nawala sa isang iglap. 

‘So ayun ang nangyari, nagkaanak sila ni Maveliene.”

Hinubad niya ang kanyang surgical gown at sinabing, "I'm sorry, Director. I can't do this operation."

Laking gulat ng director sa sinabi niya. "Hindi pwede! Bakit hindi ka papayag? Bakit hindi mo gagawin?"

Khelowna tried her best to calm down saka sinabing, "Marami akong inoperahan kanina at hindi maganda ang pakiramdam ko. Let Dr. Jacob do this surgery."

Isa lang siyang ordinaryong tao. Hindi siya nagbibigay ng himala. Ngunit kahit sino pa ang nakahiga sa operating table, ginagawa niya ang lahat para mabuhay ang pasyente. Hindi siya sumusuko kaya iyon ang dahilan kung bakit lahat ng inoperahan niya ay successful.

 Gayunpaman, ang taong naghihintay sa kaniya sa operation room ay anak ng ex-husband niya sa ibang babae.

Tumalikod si Khelowna at umalis, ngunit hinabol siya ng direktor.

Sa oras na ito, handa na ang operating room, at hindi na rin mapakali si Max. Ngunit nagtataka siya na hindi pa dumadating ang doktor na mag-oopera sa anak niya. At bahagya siyang natigilan ng makita niya sa may unahan, ang director na kausap ang isang doktor.

“Ayoko ngang operahan, director. Si Dr. Jacob nalang.”

Kumuyom ang kamao ni Max. Galit siya nang marinig na ayaw operahan ng surgeon ang kanyang anak. Galit na galit niyang inutusan ang mga bodyguard na mabilis pigilan si Khelowna sa corridor.

Kitang-kita ni Khelowna ang tingin ni Max matapos siyang hawakan ng mga bodyguards sa kamay niya. Hindi niya alam kung anong mararamdaman niya na ang asawang umabandona sa kaniya anim na taon na ang nakalipas ay heto ngayon sa harapan niya.

Naikuyom ni Khelowna ang kanyang mga kamao. 

‘Tinawagan kita noon Max ng ilang beses pero hindi mo sinagot ang tawag ko. Ni hindi mo ‘ko pinuntahan kahit na nag-aagaw buhay ako. Ngayon ay gusto mong iligtas ko ang anak mo? katawa-tawa!’ Puno ng gigil na sabi ni Khelowna sa isipan niya.

Sinalubong niya ang malamig na mata ni Max. Walang nagbago, puno pa rin ng kayabangan at napaka arogante.

Hindi niya alam kung bakit mahal na mahal niya ang lalaking ito sa simula! Ngayon kasi, nauwi sa poot ang lahat. 

Malamig ang boses ni Khelowna habang sinasabi, "Mr. Linae, hindi maganda ang pakiramdam ko ngayon at hindi ko kayang operahan ang young master. Magaling na si Dr. Jacob kaya pupuntahan ko siya ngayon para siya nag mag-opera sa anak ninyo."

Nagulat si Max sa boses niya. Napamilyaran nito kaagad ang boses niya.

Kumislap ang mata niya habang nakatitig sa mga mata ni Khelowna. Nakamaskara pa kasi ito kaya hindi pa niya ito namumukhaan.

"Paano kung ikaw ang gusto kong mag opera sa anak ko? Ano ang gagawin mo?"

Agad na pinalibutan ng mga bodyguards ni Max si Khelowna kaya kinabahan siya bigla.

“Kahit patayin mo ako ngayon, hindi ko gagawin ang operasyong ito!"