Kabanata 239

“Anong sabi? Bakit parang galit na galit na naman?” Naunahan akong magtanong ni Olive.

Paano ba naman kasi, naulinigan namin ang sigaw ni Tita Chime sa cellphone habang kausap si Venus. Nakahinga ako nang maluwag nang maputol na ang tawag.

“Pinauuwi na ako dahil may kailangan daw syang asikasuhin. Walang magbabantay kay Tiyo Banny...” saad ni Venus sa dismayadong tono. “Sinasabi ko na nga ba, hindi makakatiis si Mama, tatawagan at pagagalitan nya ako kapag feeling niya, lugi na naman sya.”

“Nagpaalam ka ba? Alam ba nyang nandito ka ngayon?” muling tanong ni Olive.

“Yes. Nagpaalam naman ako sa kanya at ang sagot nya, wala syang pakialam sa mga gusto kong gawin. Tapos ngayon, tatawag-tawag sya para lang mang-istorbo!”

“Baka naman namimiss ka rin ni Tita Chime kahit papaano. She's still your mother, after all,” nasabi ko na lang.

“May namimiss bang gano'n? Bulyaw ang bungad sa 'kin.”

“Pwede rin naman. May mga magulang na idinadaan sa gano'n ang concern sa anak. Sa laki ng hidwaan niyon