Kabanata 114

Akala ko'y mahihirapan akong ipakilala kay Alias ang mga Clausen pero kinabukasan din, mukhang malapit na siya kaagad sa mga ito. Isa pang bagay na nakatulong ay ang pagiging likas na palakaibigan niya. Hindi siya iyong tipo ng batang takot o masyadong mahiyain at ilap sa mga taong hindi niya kilala. Well, one thing is for sure. The nature runs in the blood. Ngayon ay naniniwala na ako sa lukso ng dugo.

Rinig dito sa balcony ang ingay nila sa baba. Ang magkapatid na sina Madeley at Daimler ay nakasunod kay Alias mula pa kahapon. Ayaw pa sanang umalis ni Ma'am Navi kaninang umaga pero wala siyang nagawa dahil kailangan sila ni Sir Ridley sa factories. Gayunpaman ay marami siyang ibinilin bago umalis.

“Babalik kami after two days. 'Wag muna kayong aalis, ha?”

“Sige po, Tita,” I politely said.

Wala kaming pinal na pasya ni Russel kung gaano kami katagal mananatili rito pero sa ipinakikita ni Ma'am Navi ay nangangamoy bakasyon. Sigurad