Kabanata 120

“Kailan ka pa nakauwi?” Matapos kong ilapag ang meryenda sa table ay umupo ako sa harap ni Venus.

Her curly hair is 'til her shoulders. Pinakulayan niya rin ng golden kaya mas bumagay sa kutis niya.

Sumimsim siya sa juice sa mahinhing paraan. Pansin ko ang pagbabago sa mga kilos niya. Hindi na gaya dati na magaslaw o masyadong energetic. Kalkulado na ngayon ang kada galaw ng kaniyang kamay. Kahit ang simpleng paggalaw sa kinauupuan ay ganoon din.

Tumikhim siya. “Kahapon pa, friend. Pumunta ako sa inyo at nalaman kong wala kayo roon. Sinabi rin ni Tita Allissa na kauuwi niyo lang galing sa Britain. Kumusta ka naman?”

“Ayos lang. Gano'n pa rin. Well, ang nagbago lang, may anak na ako.” I chuckled.

Kahapon, sa bahay-ampunan, ipinakilala ko siya kay Alias. Siya ang unang nakaalam na buntis ako noon pero nagulat pa rin siya nang makita ang batang nanggaling sa sinapupunan ko. Agad niyang binuhat si Alias at kinausap.