Chapter 27

Chelsy’s POV

“Sino ang babaeng iyon?” Wala sa sarili na tanong sa akin ni Gerald, makikita sa mga mata nito ang pag-usbong ng pagnanasa para kay Aria.

Isang matalim na tingin ang ipinukol ko sa kanya. Hindi yata’t interesado ang lalaking ito kay Aria?

Dahil sa isipin na ‘yon ay biglang nag-init ang ulo ko, mabilis na bumangon at hubo’t hubad na naglakad sa harapan nito bago isa-isang dinampot ang mga damit ko na nagkalat sa sahig.

“She is a piece of useless garbage.” Seryoso kong sagot habang nagbibihis sa mismong harapan nito.

Kinuha ko ang maskara na ginamit nito kanina at ang cellphone ko, na kung saan ay patuloy pa ring nagpi-play ang voice record ng usapan namin ni Harris noong isang araw.

“Flashback”

Personal akong pumunta sa opisina ni Harris upang kumpirmahin mismo sa kan’ya ang kasal nito kay Aria.

“Anong ginagawa mo dito?” Pagpasok ko pa lang sa kan’yang opisina ay ito kaagad ang bungad niya sa akin. Seryoso ang mukha nito habang nakatitig sa screen ng laptop, hindi man lan