Chapter 4

Kinabukasan, hanggang labas lang ng hospital si Mavy. Hindi siya pinapapasok ng kapatid niya at wala itong pinapapasok na iba maliban na lang kay Kfer. Pero hindi siya sumuko, tinatangka niyang kausapin at pasukin sa loob ng kwarto ni Mica pero tulad kahapon, pinapapalabas lang din siya.

Hindi na niya alam ang gagawin. Hindi niya maintindihan kung ano ang nagawa niya sa kapatid.

"Mav."

Napaangat ang ulo ni Mavy mula sa pagkakasubsob sa kaniyang tuhod nang biglang narinig niya ang isang pamilyar na tinig na tumatawag sa kaniya. Inayos niya ang kaniyang pagkakaupo at alangang ngumiti kay Kfer.

"Ikaw pala 'yan," sabi niya.

Ngumiti sa kaniya pabalik si Kfer at umupo sa tabi niya. Iniyuko niya ulit ang kaniyang ulo at pinaglaruan ang kaniyang mga daliri.

"Why are you here? Tulog ba si Mica?" tanong ni Kfer sa kaniya.

Mapaklang ngumiti siya at umiiling.

"Hindi ko alam, eh. Hindi pa ako pumapasok... ayokong makitang nahihirapan si Mica, eh," pagsisinungaling niya.

Ayaw niyang sabihin ang totoo kay Kfer. May malaking parte sa kaniyang kalooban na ayaw niyang sirain ang pangalan ng kapatid kapalit ng paniguradong panghuhusga ng iba sa kaniya.

"Pumunta ako rito to check on Mica. Kinukulit na kasi ako nina Mommy at Daddy about her condition. And I went here to check on you, too. How are you, Mav?" ani Kfer.

Biglang uminit ang gilid ng mga mata ni Mavy sa narinig. Hindi niya aakalaing may mga taong mag-aalala sa kalagayan nilang kapatid. Hindi niya aakalaing may pupunta sa kanila at bibisita rito sa hospital para tanungin kung okay naman ba sila o hindi. Pinalis niya ang nagtatangkang luhang 'yon at nakangiting tiningnan si Kfer.

"Thank you, Kfer," imbes ay sagot niya.

Natigilan naman si Kfer sa sagot niya pero agad naman itong nakabawi.

"Small thing, Mav. Gusto ko lang talaga na hindi mahalata nina Mommy't Daddy ang pagpapanggap natin kaya nagtatiyaga ako sa pagpunta rito."

Biglang sumikip ang dibdib ni Mavy sa sagot ni Kfer. Ang akala niyang may tao na ngang totoong nag-aalala sa kaniya ay biglang nawala na lang iyon bigla. So, nandito lang si Kfer dahil ayaw niyang mahalata ng magulang nito na nagpapanggap sila?

Sasagot na sana si Mavy nang bigla namang tumunog ang cellphone ni Kfer. Nakita niya ang inis na dumaan sa mga mata ng binata nang makita kung sino ang tumatawag.

"Bakit hindi mo sagutin? Baka importante," si Mavy nang makita niyang ibinaba ni Kfer ang cellphone at inilagay ito pabalik sa kaniyang bulsa.

"Hindi naman 'yon importan—"

Hindi pa man natapos ni Kfer ang sasabihin nang bigla itong tumunog muli. Sa pagkakataong ito, nagpaalam si Kfer na sasagutin muna ang tawag pero hindi ito umalis man lang sa tabi niya.

"What now, Dwine?"

Iniyuko ni Mavy ang kaniyang ulo at muling pinaglaruan ang kaniyang mga daliri. Ayaw niya sanang pakinggan ang pinag-uusapan ni Kfer at ng tumawag pero hindi niya maiwasan dahil nasa tabi niya ito at hindi man lang nag-abalang lumayo o tumayo man lang.

"I fucking deposit a money on you bank account, Dwine. Just like what you told me... What? Hindi pa rin sapat?... Fuck off, Dwine. Fuck you!"

Napataas ang kilay ni Mavy dahil sa narinig niyang malulutong na mura galing kay Kfer.

"Shit. I'm sorry, Mav if I'm too loud. Napakagago kasi, eh. Kaka-deposit ko lang ng pera sa bank account niya kanina tapos ngayon, kulang na naman? Ugh!" inis na singhal ni Kfer.

Okay?

"A girlfriend?" tanong niya.

Natigilan si Kfer at hindi sumagot sa kaniya. Buti na lang at dumating ang kaibigan niyang si Jude kaya nabawi ang awkward na atmosphere nila ni Kfer.

Naguguluhang tinitigan niya si Jude nang bigla itong hinihingal na huminto sa harap nilang dalawa ni Kfer habang pinagpapawisan nang malalaki.

"Anong nangyari, Jude? Anong nangyari sa 'yo? Okay ka lang ba?" sunod-sunod na nag-aalalang tanong ni Mavy kay Jude.

Itinaas ni Jude ang kanan niyang kamay, pinipigilan si Mavy sa kung ano man ang tanong nito sa kaniya.

"Tumakbo lang talaga ako. Morning jog, gano'n, hehe," hinihingal na sagot niya.

Pinagtaasan ng kilay ni Mavy ang kaibigan, hindi kumbinsido sa sagot nito. At bigla na lang niyang naintindihan nang biglang tumango sa kaniya si Jude which means, mamaya na niya ito ikukwento sasabihin sa kaniya.

"Guys, I will just visit, Mica before ako umalis," singit ni Kfer at nagpaalam na pupuntahan muna si Mica sa loob.

Nang naiwan silang dalawa ni Jude ay agad niya tinanong kung ano ang totoong nangyari. Napatulala si Mavy sa narinig. Hindi kaagad naproseso ng kaniyang sistema ang narinig mula sa kaibigan.

"Sigurado ka ba, bakla?"

Tumango-tango si Jude sa kaniya at hinawakan siya sa braso.

"Malaking gulo ang pinasok mo, Mav. Kung ako sa 'yo, tapusin mo muna ang kontrata mo sa club. Isang taon lang naman 'yon, bakla," suhestiyon ng kaibigan.

Wala ng choice pa si Mavy kung hindi tapusin ang kontrata kung ayaw niyang mapahamak siya at ang kapatid niya. Kagabi nang hindi siya nag-duty ay pinapahanap siya ng kaniyang amo sa kaniyang mga galamay mabuti na lang at nalusutan nitong si Jude at sinabing may sakit siya.

Hindi naman niya alam na gano'n pala kadelikado magtrabaho doon. Kung alam lang sana ni Mavy ay sana hindi na siya pumasok doon. Pero nagpapasalamat pa rin siya kasi dahil do'n, nakilala niya si Kfer na tumulong sa kaniya sa gastusin ni Mica.

Nakangiting sinalubong ng tingin ni Mica si Kfer nang nakita niyang pumasok ito sa kwarto niya.

"Hi," bati niya kaagad dito.

Umupo ito sa gilid niya at ngumiti sa kaniya na biglang nagpaganda sa kaniyang mood. Kung kanina ay hindi niya nakakayanang makita ang Kuya niya, ngayon ay biglang nawala ang inis na 'yon dahil kay Kfer. Ang alam lang din ni Mica sa kaniyang sarili na nagtatampo at nandidiri siya sa kaniyang kapatid na si Mavy.

"Kamusta na Ang pakiramdam mo, Mics?"

Nanghihinang ngumiti si Mica kay Kfer at pilit pinapakitang matatag siya at malakas kahit na ang totoo ay nanghihina siya't ang bigat-bigat ng kaniyang pakiramdam.

"Okay naman," tipid na sagot niya kay Kfer.

Tumango lang si Kfer sa kaniya at napatingin ito sa kaniyang cellphone nang bigla itong tumunog, hudyat na may nag-text sa kaniya.

"Kfer..."

Bago pa man mawala ang atensiyon ni Kfer sa kaniya ay tinawag niya ito. Agad-agad namang ibinalik ni Kfer ang atensiyon sa kaniya at isinilid ang cellphone pabalik sa kaniyang bulsa.

"Hmm?"

"Pwede mo ba akong s-samahan muna dito kahit ngayong gabi lang?"