CHAPTER 58

AUDREY PRISCILLA...

Nakasurvive naman s'ya mula sa mga kalokohan ni Tres ng gabing iyon. Ngayon n'ya lang din nalaman na may ganitong side pala ang lalaki. May kakulitan at kapilyuhan. Totoo pala ang kan'yang mga naririnig noon na sa magkakapatid ay si Tres ang pinakamakulit.

Matapos n'ya itong batohin ng patola ay agad itong nagluto ng haponan at katulad sa madalas na nangyayari ay wala na naman s'yang ginawa kundi ang manuod dito.

Nang makita n'ya na malapit ng maluto ang niluluto ay tumayo na s'ya para kumuha ng mga plato at kutsara. Nagprito din si Tres ng isda para paris nito sa ginisang gulay.

Nakakatakam sa totoo lang at sa amoy pa lang ay mukhang masarap na.

Inayos n'ya ang mga plato at tamang-tama lang na natapos s'ya at inihain ni Tres ang mga niluto nito.

Nakagat n'ya ang kan'yang labi ng makita ang mga pagkain na niluto ng lalaki. Gusto n'ya mang itago ang pagkatakam ngunit ang kan'yang t'yan ay hindi kayang magtago. Malakas itong tumunog na ikinalingon ni Tres sa kan'y