CHAPTER 57

AUDREY PRISCILLA...

"You want more?" nahimasmasan s'ya ng marinig ang malamyos na boses ni Tres. Dali-dali s'yang nagmulat ng mga mata para lang makita ang pilyong ngiti at namumungay na mga mata ni Tres.

Agad na nag-init ang kan'yang pisngi at umakyat yata ang lahat ng dugo n'ya sa katawan sa kan'yang mukha at alam n'ya na sa mga oras na iyon ay nangangamatis ang kan'yang buong hitsura.

Dahil lunod na lunod s'ya sa halikan nila ni Tres ay hindi n'ya man lang napansin na tumigil na pala ito at ngayon ay nakatunghay na sa kan'ya habang may pilyong ngiti sa labi.

Inipon n'ya ang lahat ng natira na lakas at malakas na itinulak si Tres sabay takbo pabalik sa kan'yang kubo. Wala na s'yang mukha na ihaharap dito at palagi na lang s'ya ipinagkanulo ng kan'yang sarili sa lalaki.

Hapong-hapo s'ya ng makapasok sa loob at nagpapasalamat s'ya na hindi naman s'ya sinundan ni Tres para kulitin. Baka hindi n'ya na naman mapigilan ang kan'yang sarili at magpaubaya na naman s'ya sa kapangahasan