CHAPTER 49

AUDREY PRISCILLA...

Kanina pa s'ya nababagot sa loob ng bahay. Gusto n'yang lumabas ngunit dahil kay Tres na nasa labas ay pinigilan n'ya ang sarili.

Mula sa siwang ng dingding na kawayan ay nakikita n'ya si Tres na naglilinis sa labas. Hindi n'ya alam kung ano ang trip nito sa buhay at napahanga s'ya ng lihim ng lalaki dahil nakuha pa nito ang magtrabaho sa bukid para lang sa balak nito.

Ngunit kahit ganon pa man ay hindi pa rin s'ya naniniwala kay Tres. Alam n'ya na sa likod ng mga ginagawa nito ay may maitim itong binabalak laban sa kan'ya kaya hindi na s'ya magpapauto pa sa lalaki.

Nagbuga s'ya ng hangin habang pabalik-balik ng lakad sa loob ng kan'yang bahay kubo. Nag-iisip s'ya ng mainam n'yang gagawin kay Tres. Kahit anong taboy n'ya rito ay walang epekto sa lalaki at parang pursigido ito sa balak na mananatili sa lugar n'ya.

Kaya naman ay isang desisyon ang nabuo sa kan'yang isip. Walang saysay kung tatakas s'ya kay Tres dahil mahahanap at mahahanap pa rin s'ya nito.

Nang mak