Chapter 42

Katulad nang mga nakaraang gabi ay umalis na naman si Vince ng mag- aalas onse. Hindi pa talaga siya natulog nang mga oras na iyon dahil kailangan niyang maghalungkat sa mga gamit nito dahil baka sakaling may makuha siyang ebidensiya.

Kaya lang ay napaisip siya dahil baka may cctv camera sa labas at loob ng bahay na hindi niya nalalaman. Ngunit kanina ay inikot niya talaga ng kaniyang paningin ang buong bahay at tiningnan kung nasaan ang mga cctv camera at nakita niya na sa labas lang mayroon at wala sa loob.

Ang hindi niya lang masiguro ay kung may hidden camera pang nakatago at nakakalat sa buong bahay nito.

Sinuguro niya munang ito nga ang umalis at sinilip niya pa ito sa bintana.

Nang makaalis nga ito ay agad siyang naglakad palabas ng kaniyang silid at pagkatapos ay dahan- dahan na siyang pumunta sa tapat ng pinto ng silid nito.

Siniguro niya na ang kaniyang mga galaw ay maingat at hindi siya makakagaw ng anumang ingay, para na rin walang magising sa mga natirang kasama niya sa