Chapter 6

Allison POV

Nasaan ako?

Marahan kong nilaro ang labi ko habang iniisip kung paano ako napunta rito. Ngumuso ako. Mamaya ko na lamang aalalahanin iyon. Napahawak sa tiyan ko at lalo lamang napanguso. Gutom na ako!

Sakto namang may naamoy akong mabangong niluluto. Base sa amoy ay sinigang na bangus iyon. Binasa ko ang labi ko. Natatakam ako sa naamoy ko! Nasaan kaya ‘yon?

Pero, wait! Nasaan ba ako? Hindi ito ang bahay namin! Kahit nanghihina ay buong lakas akong tumayo. May nakita akong pink na tsinelas sa baba ng kama kaya’t isinuot ko iyon. Napatingin rin ako sa suot ko at ngayon ko lamang napansin na nakasuot ako ng pink shirt at pajama. Parang ginawa naman nila akong manika! Nalukot ang mukha ko at pakiramdam ko ay gusto kong maiyak. Ayoko sa pink!

Humarap ako sa nakita kong salamin para tingnan ang hitsura ko. Para akong may malalang sakit dahil sa pamumutla ng mukha ko. Muntik ko na ngang hindi makilala ang sarili ko. Tumingin ako s