Chapter 11

Allison POV

“Hoy, masusunog na!” 

May bigla na lang sumigaw mula sa likuran ko.

Nataranta ako at mabilis na pinatay ang apoy sa ilalim. Muntik nang masunog ang niluluto ko! Inilagay ko na iyon sa plato at awkward na ngumiti kay Kuya. Ngayon na nga lamang ako nagluto ay palpak pa! Hindi talaga ako babagay sa ganitong sitwasyon. 

Ang hirap i-imagine na makita ang sarili ko sa kusina. Mabilis pa naman mawala ang atensyon ko sa isang bagay.

“Ang aga-aga kasi nakikipagsigawan ka riyan sa kaibigan mo!” sermon niya. “May isang sunog, oh! Ikaw kakain niyan, ah!” Turo niya sa nangingitim na bacon.

Napanguso ako at sinamaan siya ng tingin. “Bakit ako, Kuya? Niluto ko ‘yan para sa ‘yo. Hindi mo man lang ba ma-aappreciate ang effort ng kapatid mo?” kunwaring naiiyak na sabi ko.

Ano ba kasing ginagawa niya rito? Ang akala ko pa naman ay abalang-abala siya sa pagbabasa roon! Wala siguro siyang mapagkaabalahan dahil t