Chapter 45

Agad na napatayo si Seniro Elias sa narinig mula kay Igneel, seryoso niyang tiningnan ang apo kahit sa kanyang loob ay natutuwa siya at gusto niyang ngumiti at tumawa dahil sa tuwa pero dahil may katandaan na siya, nais niyang itanong ulit para makumpirma na tama ang kanyang naririnig.

"Anong sabi mo, Igneel? Tama ba ang narinig ko na babalik ka mismo sa organisasyon?" tanong ni Senior Elias.

Hindi sumagot si Igneel, seryoso niya ring tiningnan ang kanyang Lolo. Si Igneel ang klase ng tao na kapag sinabi niya na ng isang beses ay hindi niya na ulit sasabihin pa dahil alam niyang narinig naman ng taong sinabihan niya. Isang beses na pagsabi ay isang beses na rin na pagkumpirma.

"Anong ginagawa mo?" Pagtataka ni Senior Elias.

Naglakad si Igneel palapit sa lamesa ni Senior Elias, kinuha niya ang maliit na kutsilyo na nasa gilid lang nakalagay sa lamesa ni Senior Elias, bahagyang lumaki ang mga mata ni Senior Elias nang sinugatan ni Igneel ang pulso niya.

Laking tuwa at pagtataka ni Se