Chapter 118

Nasa hospital na sila ngayon, sa labas ng morgue kung saan nandoon na ang katawan ni Kenjin. Umiiyak pa rin si Jennica, walang tigil na iyak. Kanina pa siya inaalo nina Janette, Aricella at ni Jemma pero kahit anong alo nila ay hindi pa rin talaga naginhawaan si Jennica. Sino ba namang magiging okay kung ang asawa niya ay matagal nang nawala at nang makita ito ay patay na. Doble-doble ang sakit na nararamdaman ngayon ni Jennica, kaya nahihirapan din ang pamilya niya na makita siyang ganito.

"May balita na ba sa kasong ito?" tanong ni Arman kay Igneel na katabi niya lang.

Nakatayo sila sa likod ng mga babae at kahit nakatayo lang sila, kinikimkim lang nila ang hirap at sakit na nararamdaman nila, lalo na si Arman na makitang isa na naman sa mga anak niya ang nasasaktan ngayon.

"Nag-dagdag na ako ng iba pang tauhan para hanapin ang taong gumawa nito, at patuloy pa rin ang imbistigasyon sa lugar na iyon," paliwanag ni Igneel.

Tumango si Arman. "Maraming salamat, Igneel. Hindi mo pin