Chapter 122

Kinabukasan, napag-desisyunan na ni Aricella na pumasok siya sa trabaho, agad naman siyang sinalubong ni Carlyn. "Bakit wala ka kahapon? Tinawagan din kita pero hindi ka sumasagot. Ayos ka lang ba?" nag-aalalang tanong ni Carlyn.

Dumiretso sila sa loob ng offic eni Aricella, agad namang sinarado ni Carlyn ang pintuan at umupo siya sa harap ni Aricella nang makaupo rin si Aricella sa swivel chair niya.

"May nangyari lang sa bahay na kailangan kong asikasuhin," simpleng sagot ni Aricella.

Habang binubuksan ni Aricella ang laptop at computer niya sa lamesa, nakakunot naman ang noo ni Carlyn sa pagtataka. "What do you mean? Anong nangyari? Nasaktan ka ba? Bumalik ba iyong taong gumawa no'n sainyo?" sunod-sunod na tanong ni Carlyn.

Napahinto si Aricella at tumingin sa kanya ng walang emosyon, pero sa loob niya ay naisip niya na naman ang taong iyon. Muntik niya nang makalimutan na alam na ng buong mundo ang nangyari, alam na rin ng mga empleyado niya kaya siguro ay nang makita niya ang