Chapter 13

Nika

NAG INIT ang buong mukha ko sa sinagot ni Pierre. Kumalabog ang puso ko sa kaba. Parang nanuyo ang lalamunan ko, kaya binasa ko ang labi at kinalma ang pusong tila nagwawala na sa loob. Nakatitig lang sya sa mukha ko at may munting ngisi sa labi. Tinulak ko sya at lumayo sa kanya. Narinig ko naman syang bumuntong hininga at umupo sa hinilang upuan.

"Anong ako? Hindi ako pagkain no! Gutom lang yan kaya umupo ka na ipaghahain kita."

Kumuha ako ng malinis na pinggan at sinandukan sya ng kanin. Marami ang nilagay ko, dahil malaking tao sya kaya malamang malakas syang kumain. Sinandukan ko rin sya ng dalawang putaheng ulam at nilabas sa ref ang isang llanerang leche plan at malamig na juice.

"Wow, parang misis na misis na kita ah! Ang swerte ko naman, asikasong asikaso ako ng baby ko." Nangingiting sabi nya na sinusundan lang tingin ang bawat galaw ko.

"Kumain ka na nga!" Kunwari'y inirapan ko sya. Inilapag ko ang kutsara't tinidor sa placemat. Akmang tatalikuran ko na sya para it