Kabanata 7

Nang hilain si Isabel ng taong sumusunod sa kaniya ay agad niya itong hinampas ng malakas gamit ang libro na hawak, siguro ay hindi nito inaasahan ang aksyon na ginawa ni Isabel kaya nakawala agad ang dalaga. Sinamantala naman ni Isabel ang pagkakataon at hinampas pa ng hinampas ng malalakas ito.

"Aray! Teka! Aray!" Sabi nito kaya agad napahinto si Isabel ng marinig niya ang boses.

"P-philip?" Nauutal na tanong nito at agad inilawan ang mukha ng lalake, ganoon nalang ang gulat at hiya niya ng ang binata nga ang hinampas hampas niya.

"B-bakit andito ka? Anong ginagawa mo at sinusundan mo ako," hindi alam ni Isabel ang gagawin.

"Hindi ko kasi magawa na hayaan ka na mag-isa na umuwi, kaya naisipan ko na sundan ka at siguraduhin na ligtas kang makakauwi. Hindi ko naman akalain na matatakot ka," pag papaliwanag ng binata sa dalaga.

" Sana tinawag mo nalang ako o nagpakilala ka agad, tignan mo a