Kabanata 9

Matapos namin kumain ng almusal, pinaliguan ko na si Rovie at inayusan.

Isang floral sleeveless chiffon dress ang pinasuot ko sa kaniya para presko dahil summer ngayon sa Pilipinas. Bumagay iyon sa kaniya dahil sa kaniyang maputing kutis. Floral halter neck maxi dress naman ang sinuot ko para terno pa rin kami. She giggled and gave me praises.

Nang matapos kaming mag-ayos, lumabas na kami ng hotel at sumakay sa Grab na b-in-ook ko kanina papunta sa Memorial Park upang dalawin si Mama... at si Chairman. Bago ko pa man nabasa ang sulat ay nakaplano na talaga ang pagdalaw ko sa kanilang dalawa, nasa iisang Memorial Park lang kasi ang kanilang mga labi. Mas napaaga lang ang pagdalaw ko dahil gusto kong pagpunta namin kay Mamita mamaya, wala na akong dala-dalang bigat sa aking puso.

Gusto kong tuluyang tanggalin ang mga masasakit na nangyari sa aking nakaraan.

Habag binabagtas namin ang daan, tahimik lang si Rovie na nakatanaw sa bintana. Paminsan-minsan ay nililingon niya ako para tanun