Kabanata 12

Bumangon ako sa pagkakahiga at napabuntong-hininga. Kanina ko pa pinipilit matulog pero ayaw ako patulugin ng mga tanong sa utak ko. Hindi mawala sa isip ko ang interaksyon namin ni Arrex kanina. Kulang na lang ay iumpog ko ang ulo ko para mawala lahat ng iniisip ko.

Sa kwarto ni Mamita natulog si Rovie kaya mag-isa lang ako ngayon. Sinabi ni Mamita na doon na rin ako matulog pero tumanggi ako para bigyan sila ng quality time dahil matagal-tagal din silang 'di nagkasama. Halos magpa-party pa si Mamita kanina sa sobrang tuwa sa pag-uwi namin sa Pilipinas ni Rovie. Buti na lang ay napigil ko siya at sinabing isabay na lang sa birthday celebration niya dahil sa Linggo na iyon.

Ilang minuto pa akong nakatitig lang sa kawalan nang bigla kong maalala ang binigay na numero kagabi sa akin ni Manang Lelia! 

Kaagad akong tumayo at lumapit sa luggage ko na nasa gilid ng walk-in closet. Pinaayos na kanina ni Mamita ang ibang ga