Kabanata 7

Sa gulat ko ay hindi ako nakagalaw. Abot-tainga ang ngiti niya at halatang natutuwang muli akong nakita.

It was Manang Lelia! Ang dati naming kasambahay.

Sinilip ko si Rovie sa loob ng taxi at nakita kong nakaupo na ito at nakapikit. Bumaling ako sa driver. "M-manong sandali lang po," sabi ko at sinara ang pintuan.

Napalunok ako at hinarap ulit si Manang Lelia. Mas mahaba na ngayon ang buhok niya, may mga hibla na kulay abo. Ang palibot ng mga mata niya ay may kulubot na rin, pero nandoon pa rin ang ningning ng kanyang pagiging masayahin

"Ma'am Kleer! Kamusta ka na? Napakaganda mo pa rin! Grabe, ilang taon na rin... ang tagal kang hinanap ni Chairman!"

Mas lalong namilog ang mga mata ko.

"P-po?" gulat na sabi ko, hindi alam kung tama ang narinig.

Hinanap ako ni Chairman?

Malungkot itong napangiti. "Noong sinabi ko po kay Chairman na bigla kayong umalis dala ang maleta niyo, kaagad niya po kayong pinahanap. Pinigilan lang po siya ni Sir Arrex," paliwanag niya, may bahid ng lungkot ang