KABANATA 33

MATAPOS ang walang tigil na pag-iyak ni Brighton ay sa wakas ay napatulog na din ito at ngayon nga'y nasa kwarto na niya ito at nakahiga na sa kama niya.

Habang siya naman ay nasa balcony kasama ang ina niyang masama parin ang tingin sa kanya.

"Kailan mo nalaman?" Walang paligoy-ligoy na tanong ng Mommy niya.

"Last week lang, ipina DNA test ko si Brighton ng magduda na ako."Paliwang niya.

"Alam mo ba ang ginawa mo Lander? Pinagulo mo lang ang sitwasyon." Galit na turan ng ina niya na agad niyang ikinaismid.

"Mommy, limang taon akong parang tanga na walang alam na may anak pala kami... at kayo?" Galit na itinuro niya ang ina. "Kailan niyo sasabihing alam niyo pala all these years?" Panunumbat niya sa ina na hindi natinag sa pagpupukol sa kanya ng masasamang tingin.

"Wala akong dapat ipaliwanag sayo Lander. Binigyan mo lang ng malaking question mark si Brighton, don't expect him to like you dahil limang taon kang wala sa buhay niya." Sagot ng Mommy niya na ikinailing niya.