KABANATA 30

"OPEN na open ang pinto ko para makalabas ka na." Malamig na sabi niya kay Lander ng makita niya si Brighton na nakahiga sa ibabaw ng kama nila matapos nitong makipaglaro kay Lander ay talagang napagod ito kaya tuluyang nakatulog.

"Hihintayin kong magising ang anak ko para pormal akong makapagpaalam." Mahinang sagot naman nito habang hinihimas-himas ang noo ng anak niya, napaka banayad ng bawat dampi ng kamay nito sa balat ng anak niya pero kahit ganun ang aksyong ipinapakita nito sa kanya na kahit gaano ito kasuyo sa pagtrato sa anak niya ay hinding-hindi niya parin ito makikita bilang mabuting ama kay Brighton.

"Anak niyo po Sir?" Sarkastiko niyang ulit. "Mali po yatang bahay ang napuntahan niyo," marahas na nilingon siya nito ng sabihin niya yun.

Nagkibit-balikat siya at tinignan din ito. Kung noon ay wala siyang lakas ng loob na titigan ito sa mga mata pwes ngayon malayang-malaya na niyang naipapakita dito ang galit niya. Tumayo si Lander mula sa pagkakaupo sa gilid ng kama