Chapter 43.2

(Continuation of chapter 43)

Lizabeth's POV

Nanatili kami sa gano'ng sitwasyon ng ilang segundo. Ang mga mata niya ay magaganda pa din kagaya noon pero kakikitaan ng lungkot. Ano bang meron sa lalaking ito at ganito kabilis ang pagtibok ng puso ko sa simpleng mga titig niya lang sa 'kin?

"Sir, ito na po ang meryenda niy—"

Kaagad akong lumayo sa kanya nang biglang dumating ang matandang kasambahay na nakatingin sa aming dalawa. May dala siyang tray na may lamang dalawang baso ng juice at saka cookies sa isang pinggan.

"Ehem. Just put it in here," saad ni Kenzo habang tinuturo ang maliit na center table.

Inilapag doon ng matanda ang tray habang hindi nawawala ang tingin sa akin. Pinili ko na lang na hindi salubungin ang mga tingin niya at bumalik na ako sa pagkakaupo sa sofa.

Nang makaalis siya ay inilapag ko ang folder sa lamesa at itinulak para mapalapit ito s