Chapter 45.2

(Continuation of chapter 45)

Lizabeth's POV

Pagmulat ko ng mga mata ko ay maliwanag na ang paligid. Umaga na pala at sobrang sakit ng ulo ko. Parang hihiwalay na ang anit ko sa 'kin. Pagbangon ko ay saka ko lang nakita ang paligid, nasa sala pala 'ko ng unit ni Kenzo.

Pagtingin ko sa suot ko ay nagtaka ako nang makitang t-shirt ni Kenzo ang nasa katawan ko ngayon. Nasaan ang damit ko kagabi at bakit nandito na naman ako sa unit niya?

"Good morning, kumain ka muna."

Paglingon ko sa kusina ay nakita ko siya na topless pero nakasuot ng apron. Nagluluto ata siya ng agahan.

Dahan-dahan akong bumangon dahil parang umiikot ang paligid ko. Nang makalapit ako sa kanya ay niyakap ko siya mula sa likod. Napaka bango niya.

"Gutom ka na ba?" tanong niya.

"Ang sakit ng ulo ko. Ano bang nangyari?" nakalabi kong tanong. 

"Lasing na las