Chapter 93.1

Ilang segundo pa na nakalagay sa tenga ni Lucas ang kanyang cellphone at pinapakinggan ang tunog ng pagpatay ng tawag at pagkatapos ay napabuntung-hininga siya bago niya ibinaba ang kanyang cellphone sa kanyang mesa. Pagkababa niya ng kanyang cellphone niya sa mesa ay kaagad iyong tumunog kaya pinulot niya ito at nang tingnan niya kung ano iyon ay isang paalala tungkol sa panahon ng araw na iyon.

Sa mga oras na iyon ay doon din naman pumasok sa loob ng kanyang opisina si Kian. “Sir mukhang uulan ng malakas ngayon. Gusto niyo bang ayusin natin ulit ngayon ang schedule ninyo?” tanong nito sa kaniya.

Agad naman na tumango si Lucas. “Kailangan mo talagang baguhin.” sabi niya rito. “Tyaka, ikuha mo ako ng malaking payong.” bilin niya rito.

Iniisip niya kasi na susundan niya si Annie sa sementaryo. Bagama’t kaya niyang magmaneho ng sasakyan sa labas ng sementeryo ngunit sigurado siya na hindi ito makakapasok sa loob. Bukod pa doon ay may kalayuan pa ang mismong nitso ng ina ni Annie sa mism