Chapter 97.1

Pagdating sa bahay ay kaagad na naligo si Annie para hindi siya magkasakit. Dahil sa ulan ay hindi niya maiwang hindi mag-alala na baka magkaroon siya ng sipon kaya't mas matagal siyang nagbabad sa mainit na tubig dahil gusto niyang mawala ang lamig sa kanyang katawan.

Nang makapagdesisyon siya na sa wakas ay lumabas siya ng banyo ay siniguro niya talaga na mainit na siya at maluwag at komportable na ang pakiramdam niya. Pero hindi niya inaasahan na agad niyang makikita si Lucas pagkalabas na pagkalabas niya ng banyo.

Kapapasok lang din nito ng pinto at mukhang katatapos lang din nitong magshower at nakasuot din ito ng pajama katulad niya at ang itim niyang buhok ay tumutulo pa dahil sa pagligo nito.

Habang nakatitig rito ay hindi niya maiwasan na hindi makita nag kagwapuhang taglay nito habang nakausot ito ng pantulog na talaga namang nagpalutang sa kagwapuhan nito. At sa ilalim ng liwanag ng ilaw ay mas lalo pang lumakas ang appeal nito. Wala man lang siyang makitang konting kapan