Chapter 153.2

Pagkasakay nila ng elevator ay agad na inilabas ni Annie ang kanyang cellphone at agad na nagpadala ng mensahe kay Greg na sa mga oras na iyon ay aksidente silang nagkita ng bunso niyang kapatid at ngayon ay hinahatak na siya nito papunta sa ina nila. Nang matapos niyang ipadala ang mensahe ay muli niyang ibinalik ang kaniynag cellphone sa kanyang bulsa. Nang malapit na sila sa silid nito ay malakas na ang tibok ng puso niya at kinakabahan na siya.

Unang pumasok sa loob ng silid si Kenna. Mabilis itong dumiretso sa tabi ng ina at hinawakan ang kamay nito. “Mommy, look. Tingnan mo kung sino ang kasama ko.” sabi niya rito.

“Sino? Si Kuya mo o ang ate mo Liliane?” tanong nito sa kaniya.

“Hindi ah. Wala sa nabanggit mo. hulaan mo pa.” sabi nito.

Ilang pangalan pa ang binanggit ni Kenna ngunit mali pa rin ang hula ng ina nito. Hindi nagtagal ay kumatok na si Annie sa may pinto at pumasok sa loob. Nang makita siya nito ay agad na nagliwanag ang mga mata ni Beth at tila ba nagkaroon ng sigla