Chapter 153.3

Sa loob ng silid ay napatingin si Beth kay Kenna. “Bakit naman hindi mo siya inihatid? Kung narito lang ang kapatid mo ay tiyak na ihahatid niya siya.” sabi nito sa anak.

“Ito na nga Ma, pupunta na ako, pero alam mo Ma naiinggit naman ako sa pagtrato mo sa kaniya.” nakangusong sabi nito sa ina.

“Ano ka ba, kung pakakasalan siya ng kapatid mo pagdating ng araw ay magiging kapamilya natin siya at isa pa ay wala na siyang mga magulang kaya tama lang iyon.” sagot naman nito rito.

“Oo nga ano, o siya Mommy aalis na muna ako para habulin siya at ihatid.” sabi nito at pagkatapos ay nagmamadaling lumabas ng silid.

Pagliko ni Annie sa isang kanto, patungo sana sa elevator ay isang matangkad na pigura ang bigla na lamang lumitaw sa kanyang harapan. Kasunod nito ay bigla na lamang nitong hinawakan ang kanyang pulso. Nang tingalain niya ito ay agad niyang nakita si Lucas at bahagya siyang nagulat dahil doon. “Anong ginagawa mo rito?” tanong niya kaagad rito.

Ilang sandali pa ay mabilis siya niton