Chapter 25.1

Nang magising kinabukasan si Alexa at pagkamulat na pagkamulat lamang niya ng kanyang mga mata ay agad niyang nakita si Noah habang nakatingin sa kaniya at mukhang kumikinang ang mga mata nitong nakatingin sa kaniya. Ilang sandali pa ay bigla na lamang sumilay ang isang ngiti sa kanyang mga labi.

“Bakit ba ganyan ka makatingin sa akin?” tanong nito sa kaniya.

Mabilis naman siyang sumagot kaagad rito habang nakatawa. “Ang gwapo ba naman kasi kaagad nang imulat ko ang mga mata ko.” sabi niya rito at pagkatapos ay hinawakan ang mukha nito.

Nang mga oras na iyon pakiramdam ni Alexa na tila ba parang may mali sa kaniya ngunit hindi niya iyon mabigyan ng pangalan. Hindi nga nagtagal ay sabay na silang bumangon na dalawa at naghilamos lang sila pareho bago tuluyang bumaba.

Pagkababa lang nila ay agad nang nakahanda ang almusal sa mesa. “Pinapasok ko ng maaga ang mga kasambahay natin dahil alam ko na hindi ka nakakain ng maayos nitong mga nakaraang araw kaya ngayon ay kumain ka.” sabi nito s