Chapter 24.6

Pagkatapos nilang kumain ay pumasok din doon kaagad ang kanyang ina upang kuhanin ang mga pinagkainan nila at pagkatapos ay hinimok silang dalawa. “Gabi na, umuwi na kayo at nang maaga rin kayong makauwi at nang makapagpahinga pa kayo ng maayos. Kailangan pang pumasok ni Noah bukas sa kumpanya at halos ilang araw na rin siyang pabalik-balik rito, baka sobra nang naapektuhan ang kanyang trabaho.” sabi nito sa kanila.

Nang mga oras na iyon ay napaisip si Noah, sa mga oras na iyon ay natatakot siya na baka magkita sina Nio at Alexa. Wala siyang ibang nasa isip nang mga oras na iyon kundi ang mailayo si Alexa rito at kahit na anong mangyari ay hindi siya papayag na mapunta ito sa lalaking iyon. Pakiramdam niya ay napaka makasarili niya pero wala siyang pakialam doon. Ayaw talagang umalis ni Alexa ngunit naging mapilit din ang ina nito at ito na mismo ang humila rito patungo sa kotse ni Noah.

Wala namang nagawa si Alexa kundi ang magpaubaya na lamang. Sumandal siya sa kanyang kinauupuan at