Chapter 98 - First Day, First Fight

Pagkatapos tulungan ni Luke makabangon si Jerold ay walang emosyong hinarap niya si Darwin habang nakakuyom ang kanyang kamao. Gustong-gusto niyang ipaghiganti si Jerold dahil sa ginawa nito.

"What are you staring at? Gusto mo rin bang makatikim ng tadyak?" singhal ni Darwin sa kanya. Saglit itong nahinto nang makilala ang mukha ni Luke. "You're that guy who bumped into me this morning! Mukha atang pinagtatagpo talaga tayo ng landas upang maturuan kita ng leksyon."

Hindi umimik si Luke sa halip ay naglakad ito papalapit sa kinauupuan ni Darwin.

'Baka ibig mong sabihin ay pinagtagpo talaga tayo ng landas upang ikaw ang maturuan ko ng leksyon?' sambit ni Luke sa kanyang isip.

Napakaunot ang noo ng bawat estudyanteng naroon dahil tila sa galit na awra ni Luke. Sa kabila nito ay hindi naman sila nababahala para kay Darwin.

"Look at him. Mukha atang gusto niyang hamunin si Mr. Quinton." nakatawang sambit ng isa habang pinagmamasdan si Luke.

"As if naman ay kaya niyang kalabanin si Mr. Quin